kitchen J

1

(Banana Chocolate / Matcha Red Beans)

$48

先叫咗兩杯Panna Cotta Frozen，分別係香蕉朱古力同抹茶紅豆。香蕉朱古力嗰杯底部有新鮮香蕉肉同奶凍，抹茶嗰杯就有紅豆同奶凍。

經典法式火腿芝士流心三文治

$63

厚切麵包夾住火腿片，用咗Parmesan、Mozzarella同Cheddar三種芝士整，唔單止三文治裡面有流心，就連面頭都一樣有濃厚嘅一層芝士㗎 見到啲芝士咁流法，我唯一諗到嘅就係「想快啲放佢入口」囉！
除咗流心芝士令人賞心悅目，食落先發現原來裡面仲有啲芥末味嘅醬汁！食到輕輕嘅芥末香味，配起芝士又幾夾喎。

香蕉朱古力薄餅

$68

香蕉同朱古力不嬲都係perfect match，無乜幾多個會抗拒！配搭埋pizza一齊食都一樣咁吸引。
Pizza上面鋪咗香蕉片同唧咗朱古力醬，仲有一球朱古力雪糕喺中間，賣相吸引。薄餅口感有少少煙韌，有啲似印度鬆餅咁。而且沾上咗半溶朱古力雪糕，嗰種冷暖交融嘅感覺，好易食唔停口:yummy izza都算幾大個，啱晒幾個人一齊開心share。

伯爵茶焦糖燉蛋配馬卡龍拌雪糕

$68

輕輕用匙羹一敲焦糖片層，已感受到脆裂感。燉蛋口感幼滑而不甜膩，先感受到伯爵茶香味，而又無遮蓋到背後的蛋香，十分對版。