🎬 蟲草花野生竹笙花膠濃湯雞煲
呢度嘅雞煲款式有多達16款🤩多人食就可以叫多一兩款，濃湯雞煲係必嗌之選，因為佢連個湯都可以飲埋😆
叫得濃湯唔係浪得虛名，真材實料👍🏼花膠除咗有滋潤嘅膠質口感之外，野生竹笙係勁厚勁粗碌，吸盡晒整個湯底嘅精華🤤
所以一定要飲夠本先，再加湯打邊爐😆
𝄢..
🎬 日本帶子雞煲
有個濃湯嘅，當然就要整返個惹味嘅😋
即席可以炒香個雞煲，辣度可以自己揀，小辣都有啲衝擊㗎🌶️不過雞煲要辣辣哋嗰陣香先會更加突出👍🏼
雞件同帶子都入晒味，佢粒帶子唔細㗎，唔係會縮水嘅水份帶子🙂↕️一樣食晒啲雞就可以加湯打邊爐🍲
𝄢..
🎬 椒鹽鮮鮑魚
鮑魚只係包住一層紙咁薄嘅炸粉，無阻椒鹽同鮑魚鮮味結合😋
鮑魚有返咁上下size，入口彈牙鬆軟！
𝄢..
🎬 蝦多士
蝦多士好足料🦐非常香口，炸得鬆脆👍🏼
蝦多士嘅油份係會比較重啲，因為麵包始終都會吸油，但佢唔算有太多多餘嘅油份，唔怕成口油！
𝄢..
🎬 皇牌脆炸牛坑腩
呢個脆皮牛坑腩都幾有特式🤩
無乜點食過牛腩係呢種做法！牛坑腩外層包住脆皮，大大提升咗口感，
但又唔會令到本來嘅牛味流失，肉質仲好軟腍👍🏼
𝄢..
🎬 酥炸桶蠔
就算炸咗都睇得出佢嘅肥美🤩蠔身十分大隻厚肉，一隻都夠兩個人食🤣
真係啱晒蠔痴，炸咗都一樣食得到蠔嘅鮮香！
𝄢..
打邊爐配料唔少得靚牛肉🐂
呢度有手切極品靚肥牛，又有足料嘅鳳城水餃🥟
好多唔同款式嘅配料都有得揀，簡直飽到上心口🤰🏻
飲品除咗啤酒汽水🍺仲有大大杯爽爆檸檬茶同自家製涼茶，真係點夠佢玩👍🏼
▫️以上食評為個人口味，只供參考▪️
