浩記甜品

Open Now

Now Closed

上星期發覺屋企附近係益豐大廈樓下開咗間新嘅糖水舖「浩記」天時暑熱就坐咗入去涼下冷氣順便叫碗海帶綠豆沙試吓呢碗綠豆沙真係好足料，又大碗喎！每粒綠豆都爆晒花，食落淡淡豆，仲有清清嘅果皮香味，糖度恰到好處！之後忍唔住買多幾碗唔同嘅糖水返屋企同家人分享～分別買咗熱嘅芝麻糊、熱嘅合桃糊同埋凍嘅馬拉渣咋😋 每樣我都試咗少少🤣合桃糊同埋芝麻糊都非常順滑，識落完全無顆粒感，特別要推介個芝麻糊，炒得非常之香！個馬拉咋喳又係足料到呢～多到我都唔知入面有啲咩，大概食到有紅豆綠豆紅腰豆芋頭西米椰漿等等啦～ 口感非常豐富😝