Read full review
2019-01-26
5206 views
今日朋友帶我黎會一會鼎爺，好期待呀 !!! 朋友話唔係好難 BOOK，可能呢道新店啦 !! 我靠痴實佢 ~~ 佢訂位我冇理由唔跟架 !! 開心仔 ~~我地叫左 4位既 鼎級午市套餐，對於選擇困難症既我，哈哈 ~~ 有朋友幫手選就最好啦 !! 首先黎左個前菜，有醉蝦 / 鮑魚 ~ 個蝦勁正呀！酒味好重！勁爽，帶甜！反而鮑魚正常野 🤣🤣 都入味既，淋身！唔會好難咬開！呢兩個好開胃 ~花膠螺頭燉竹絲雞，一入口甜到呢 ~ 個花膠好厚，完全會痴住個咀 !!! 入面仲有幾粒螺頭同埋幾件雞，我仲同朋友講，可唔可以俾多少少湯我 ~ 哈哈 !! 呢壺湯我地連湯料都食哂 ~~ 確係一流 !!上湯焗開邊龍蝦，我地仲諗...唔會俾波士頓我呀 !! 睇 OP 人客食既相我好期待架 ~~ 好在係本地龍蝦仔，呢個 SIZE 既龍蝦好鮮甜，又爽口 !! 同上湯好夾 ~~ 我仲好冇儀態 ... 差唔多食哂成個龍蝦頭 !! 我呢D平民要冇儀態下 ~~ 哈哈 !! 係好味既表現 !!四十五頭吉品伴花菇，坦白講...呢個有少少失望，係咪我期望過高，覺得佢會糖心 ? 哈哈 ~~ 鮑魚味道唔係唔好 !! 但我覺得乾鮑既味，應該會
我地叫左 4位既 鼎級午市套餐，對於選擇困難症既我，哈哈 ~~ 有朋友幫手選就最好啦 !!
首先黎左個前菜，有醉蝦 / 鮑魚 ~ 個蝦勁正呀！酒味好重！勁爽，帶甜！反而鮑魚正常野 🤣🤣 都入味既，淋身！唔會好難咬開！呢兩個好開胃 ~
花膠螺頭燉竹絲雞，一入口甜到呢 ~ 個花膠好厚，完全會痴住個咀 !!! 入面仲有幾粒螺頭同埋幾件雞，我仲同朋友講，可唔可以俾多少少湯我 ~ 哈哈 !! 呢壺湯我地連湯料都食哂 ~~ 確係一流 !!
上湯焗開邊龍蝦，我地仲諗...唔會俾波士頓我呀 !! 睇 OP 人客食既相我好期待架 ~~ 好在係本地龍蝦仔，呢個 SIZE 既龍蝦好鮮甜，又爽口 !! 同上湯好夾 ~~ 我仲好冇儀態 ... 差唔多食哂成個龍蝦頭 !! 我呢D平民要冇儀態下 ~~ 哈哈 !! 係好味既表現 !!
四十五頭吉品伴花菇，坦白講...呢個有少少失望，係咪我期望過高，覺得佢會糖心 ? 哈哈 ~~ 鮑魚味道唔係唔好 !! 但我覺得乾鮑既味，應該會比鮮鮑味濃 ... 但我竟然覺得頭盤個鮮鮑好食D !! 冬菇味道好表面 ...
阿爺黃金琵琶蝦，嘩 ~~~~ 呢個極度邪惡 !!! 但又大愛喎 !! 個蝦爽甜到爆燈 ~~~ 夾個咸蛋王 ... 完全唔捨得快食 !! 個金沙掛得剛剛好，唔會多 !! 食得口又唔會成口油 !! 又係大愛呀 ~~
春梅紫薑炒雞球，呢個驚喜度好高呀 !! 我地冇諗過一個家常小菜咁正 ~~ 我地諗左好耐 ... 春梅就咩黎 !! 哈哈 ~~ 係平時係街都買到既脆梅 (我地估)，係圖好細粒綠色果個就係喇 !! 春梅夾紫薑好開胃呀 ~~ 好似幫我地洗走頭先食既野咁 !! 又開番個胃，但當然啦 ... 黎到呢道都好飽下 !! 雞球好有雞味 ~~ 唔似雪雞 !! 實淨既 ~ 配料春梅同紫薑酸酸甜甜好好味 !! 我地 ... 好似餓鬼咁 ... 連人地既配料都食鬼哂 !! 一D都冇浪費大廚既心機 ~~
川媽子炒飯，呢個炒飯好得意呀 !! 有四川麻辣既味道 !! 炒得好乾身，好在唔會過濃 !! 如果唔係怕辣既我就食唔到喇 !! 份量亦岩岩好 ~~ 適合我既D眼闊肚窄既為食精 !! 入面有欖菜 / 菜心 / 蛋同埋好似辣肉既野，仲炒得好乾身，唔會油 !! 唔錯 ~~
懷舊蕃薯湯水作結尾，朋友勁講話冇薑既冇薑既 ~~ 哈哈 !! 我地即刻話人地都冇講有薑 !! 冇錯呀 ~~ 不過我覺得得一舊蕃薯唔係好夠 !! 哈哈 ~~ 糖水唔會過甜，黑糖既味道好夠 !! 配蕃薯好好 ~~ 蕃薯糖水梗係唔會在意個水啦 !! 舊蕃薯好好味 ~~ 所以我地話一舊唔夠 !! 但其實已經飽到咩咁 !! 呵 ~~
Other Info. :
四十五頭吉品伴花菇希望可以正視一下，呢個餸唔係平野，但如果材料係上乘，只會浪費 !!
(The above review is the personal opinion of a user which does not represent OpenRice's point of view.)
Post
