✨西班牙辣肉腸海鮮飯
海鮮嘅份量簡直係驚為天人，有大蝦、海硯、
米飯每一粒都沾滿住醬汁以及海鮮嘅香氣，大力推薦！！
✨明太子蟹肉西班牙蛋餅
作為西班牙嘅傳統小食，當然要點一份蛋餅🥞整體口感都好紮實，蟹肉隱藏當中，外層有滋香嘅明太子醬同牛油果醬，輕輕嘅辣度亦引人胃口，如果可以包含多少少薯仔，相信口感會更加香綿。
✨香烤檸檬春雞
又係好有份量嘅一個主菜。檸檬嘅香氣滲入雞肉當中，食落清新不油膩。外皮好香口薄身，肉質保持住濕潤度。
✨蒜蓉烤焗茄子
由於有雞、有海鮮，所以亦都嗌咗一碟蔬菜。用蒜蓉烤焗嘅方式，進一步將茄子嘅口感同味道提昇！！一絲絲嘅茄子肉好清甜，蒜蓉份量香口得來又唔會太鹹
✨Fun in the sun ☀️
酸甜拿捏得唔錯，真係好有夏日嘅感覺。由多款酸甜嘅果汁混合而成。
5
