見到入面啲員工都用泰文溝通
就覺得今次會食到正野😋
馬拉盞炒鮮魷通菜
每次食泰菜都必食馬拉盞炒菜
因為真係好香好惹味！
今次都唔例外
通菜入味得黎都唔會好油！
椰皇海鮮焗飯🥥
超香椰香味既焗飯！
個焗飯放係椰子度原個上
每啖飯都係有好香既椰子味
仲有好多海鮮
有魷魚、蝦、蠔🦪🦐🦑
最驚喜既係仲有一條條椰皇果肉！
軟熟既焗飯加埋爽脆既椰子肉
口感超豐富 越食越想食
蕉葉燒烏頭🐟
店員拎緊過黎既時候已經聞到陣陣既香葉味
條魚好大條而且新鮮
食落一啲泥味都冇
魚入面仲釀左唔同香料
食落去就有好香既香草味🌿
魚肉實淨 唔會散修修
配埋酸辣汁一齊食好有泰國既味道
食極都唔厭呀！
最後食個椰汁千層糕做甜品
煙靭軟糯 甜度岩岩好😋
飲埋個椰青 消暑解渴！
推介比大家都可以黎食
