康瑞涼茶 (Closed)

話說之前去開長沙灣食晚飯，諗起想試好耐嘅糖水舖就喺無幾遠嘅深水埗，於是飯後同朋友去咗食個飯後甜品。之前網上有好多人推介呢間嘅台式芋圓地瓜圓，話好多人排隊試食,好好彩當晚咁啱有人走，唔使等位即入。呢度主要喺中式糖水配芋圓地瓜圓，如果唔鍾意，可以改配湯圓都得。天氣咁熱，所以我點咗特式仙草百配，配料好豐富。芋圓，地瓜圓嘅份量好多，都幾煙韌，但芋頭或蕃薯味比較淡。仙草好滑溜，紅豆夠腍，唔會好甜。混合各種配料一齊食， 口感好豐富。難得大大碗足料糖水，都只係25蚊，抵食