今晚決定落咗旺角[八幡屋涮涮鍋]去食返夠本，
因為佢可以食足三小時， 咁就可以慢慢嘆啦。
八幡屋環境都幾大， 卡位好闊落， 一排自助區除咗有火鍋配料， 甜品， 茶漬飯， 菜類， 茹類， 醬料等外，
另一邊仲有飲品， 各種丸類同雪糕等自己拎，但記得要戴口罩喔。
除咗可以自己拎之外， 其實食物就可以用手機 QR 落單， 呢個好好可以省回大量 order 紙。
我地選擇咗骨膠原豬骨湯底。
不久店員送上刺身拼盤、 海鮮拼盤及一碟M5和牛。 除咗M5 和牛 。
刺身同海鮮都可以再 order， 刺身款式都幾多， 海鮮好新鮮， 特別係鮑魚好爽好鮮。
當然美國肥牛， 美國黑豚肉， 豬腩肉要再 order 啦， 特別係豬腩肉， 好腍好爽口， 要一叫再叫。
火鍋枓款式都好多選擇，就連雞子都有。
除咗火鍋， 天婦羅， 炸物， 燒物等都有， 雖然無出面嘅日式放題款式咁多， 但勝在即叫即整， 上菜又快。
最後食埋甜品真係大滿足。
唔好以為疫情無咩人呀， 當晚7點已經坐滿喇， 要食記得訂枱呀。
