講吓啲嘢食先👇！
[嫲嫲南越湯] 招牌金邊粉 $88 （力推⭐）
佢個麵質好好食，好索汁好入味！入面有半筋半肉，仲有牛肉片、牛丸，畫龍點精仲有個油炸鬼。賣相好豐富，又好味！價錢最抵食係呢個！
越式惹味粟米條 $48
呢個係我同姊妹一嚟到就話即刻要試嘅！一碟都有好多舊，少少燒焦好香口，粒粒粟米，係個幾正嘅小食！
脆米紙薄餅 $54
越南嘢一定有米紙、米卷啦。呢個薄餅幾特別，上面有啲類似臘腸嘅肉，撈埋啲蔬菜絲同千島醬，好食喎！不過個米紙係有啲痴牙！
差不多一尺蝦 $138
好貼心隻蝦係起咗殻，所以可以啖啖肉咁食！都幾大隻，肉質都鮮美，不過對比起其他食物呢個就偏貴啲啲。
越式發酵茶葉沙律 $52
有蕃茄、紅蘿蔔，仲有好脆嘅扁豆，個扁豆好食呀！不過整體呢個都幾辣，啱晒鍾意食辣嘅朋友仔！
啲嘢食咁惹味，飲品就嗌咗佢哋好特色嘅清熱茶飲，斑蘭龍眼茶 $23、香茅青蘋果茶 $23，兩款都好清新好好飲！
整體而言，影相靚，嘢食味道都唔錯！
我覺得我下次都係會嗌返招牌金邊粉，真係幾好食！
