我記得食過佢哋嘅腐乳意粉，好驚喜。有時叫個素嘅意粉，配菜都好好味道。
相隔一段日子再來，卻有點失望。
Menu上搵唔到特別想叫的。
叫咗個蕃茄汁+肉腸嘅意粉 配玫瑰茶
味道好普通，就是自己都煮到種程度。茶也是淡淡的。同佢個環境有啲似，好清靜。
餐廳在內街，同同區其他排到勁長龍嘅 cafe 相比，佢價錢唔算貴＋環境 okay.
區內街坊去下無妨，仲幾 chill添，如果食物質素可以 keep 返以前水準就更好了。
題外話，啲侍應唔知係咪太後生，好多都木口木面，或者會聚喺水吧嗰邊傾偈。無覺得服務特別好.
