一大班朋友黎到九龍城呢個火鍋集中地, 梗係要揀間好架啦~~
左揀右揀, 就揀左呢間【龍城金記】
大家都未試過, 就齊齊做白老鼠試下呢間新野啦!!
火鍋底選了滋潤蟲草雞鍋和胡椒豬骨鍋~~
湯底用料都好足呀, 大大舊豬骨同埋超多蟲草係入面"*
滾左之後喝一口蟲草雞湯真係好滋潤又暖胃呢!!
未齊人就食住D 小食先~~~
酥炸魚片頭都係每次打邊爐必點既小食；
炸得香口而不油膩就最讚啦!!!
象拔蚌刺身 (例牌) 份量也不少呢!!
一行五人都可以食到好多, 非常鮮甜爽口；
唔駛蘸醬汁食都得, 真係好正~~~
到主角出場!!!
就係金記牛魔塔 (HK$498)
三層架既牛魔塔有 6款唔同部位既牛；
全部睇落都好新鮮, 色澤好均勻又夠鮮色, 睇得出係靚野丫"*
分別有牛腱肉, 特級手切肥牛, 滑牛, 牛展. 牛舌. 胭脂牛肉粒. 坑腩牛肉粒!!!
最正既應該係坑腩牛肉粒, 要滾20分鐘先食得~~
食落真係牛味好濃郁又有口感!!!
而本地特級手切肥牛雪花位分明, 拖兩三下就得, 好滑嫩啊"*
1
另外新鮮鵝腸都係推介之選~~
好少地方可以食到新鮮既鵝腸, 而且清洗得非常乾淨!!
爽口又有少許脂肪, 正"*
仲有新鮮手打五寶丸
分別有牛丸, 蝦丸, 墨魚丸, 鯪魚丸, 豬肉丸!!
可以試齊5款丸類, 仲要係新鮮手打既丸, 色澤也不錯~~
多人食就可以點呢個齊齊SHARE"*
而珊瑚蚌亦係我既打邊爐至愛~~
雖然有好多人知道佢係咩部位後就唔再食, 但係我仍然喜歡!!!
鮮甜又爽口, 份量又多, 真係食多多都得丫"*
白鱔片就一般般啦, 冇咩特別!!
不過朋友仔打邊爐一定要食魚, 所以就揀左佢啦~~
最後就梗係叫個自製魚麵啦~
食D 飽肚既野暖暖胃!!!
魚麵既味道夠鮮, 而且唧個又可以玩下；
加上佢既質感不錯, 軟軟滑滑的"*
最後仲有涼粉做甜品!!!
非常滿足呢~~~
