餐廳樓底好高空間感十足，唔會好大油煙味，裝潢時尙摩登又帶點日式風味，非常熱鬧氣氛唔錯。
一坐低店員就送上前菜：泡菜&中華沙律。
============ヽ(○´∀`)ﾉ♪
🐮蘋果木煙燻松露和牛他他 $158 ⭐️推薦🫶🏻
✰韓式嘅和牛刺身係最好味🤤呢度嘅和牛他他係用密封瓶裝住，入面焗住木煙，有少少黑松露喺和牛上面。
✰打開後拌入日本蛋黃、蘋果絲、蔥絲、蒜蓉同醬汁。
✰和牛他他好滑，味道甜甜哋好清新🤤
🐷 全天然豚肉五花腩(厚切跟生菜) $130 ⭐️推薦🫶🏻
✰ 一客8片。又係蕃薯妹至愛嘅五花腩🤤呢個全天然嘅五花腩比起一般燒肉店食倒嘅肉質更軟嫩，半肥瘦入口油香四溢，店員教兩邊燒咗大約一兩分鐘見表面金黃色就放去側邊等佢慢慢熟透，口感會更好。
✰上檯跟生菜同埋韓式辣醬，包生菜食減低油膩感👍🏻
🐮老饕澳洲M5/M6和牛牛板腱 $198
✰一客5片。薄片，油花均勻，每片上面有少少蒜蓉，燒嘅時候搽一搽成片牛肉，幾惹味，口感軟。
🐮香蔥薄切牛舌 $82
✰一客7片。跟一碟麻油蔥，燒熟包住香蔥食好好味😋
🥟櫻花蝦餃子 $68 ⭐️推薦🫶🏻
✰大大隻嘅煎餃子，內餡係粟米粒同豬肉，灑滿香脆嘅櫻花蝦，咬落去肉汁咇出嚟🤤
🌸揚櫻花蝦豆腐 $68
✰非常嫩滑嘅豆腐，外層炸得香脆唔厚粉，灑滿櫻花蝦同木魚碎，外脆內嬾又惹味。
🍛松露肉碎炒飯(牛肉) $108 ⭐️推薦🫶🏻
✰可以選擇牛肉/雞肉。我哋揀咗牛肉。
✰上檯個石頭鍋仲好熱「咋咋聲」，等一陣撈勻面頭嘅蔥花、黑松露，鍋底有飯焦好惹味😍 話係肉碎但係其實牛肉好大粒🤤 仲有牛油香👍🏻 炒飯粒粒分明，超好食😋
🍹飲品我哋叫咗可樂同埋蘋果汁😋 估唔到可樂係玻璃樽裝😍加分👍🏻
👍🏻👍🏻👍🏻極高質，必定再回頭系列💁🏻♀️
