Video
Read full review
2023-12-19
13 views
呢幾日天氣凍左，想食啲熱野辣野暖返先，所以就黎左食烤魚啦～🐟🔻酸菜豆腐青花椒烤魚 💰228 🌟起香港好少見到萬州烤魚，今次一於黎試下～烤魚煎炸完搭配青花椒、酸菜、芽菜、豆腐煮，每樣食材都吸滿湯底，越煮越辣，越辣越想食，超惹味😋烤魚嘅外皮炸得好酥脆，但煮完又吸滿酸辣嘅湯汁，絕對係我起香港食嘅數一數二好味嘅烤魚👍🏻🔻膠原脆皮豬手 💰128呢道菜好花心思，絕對係功夫菜！豬手炸完表皮脆卜卜，但肉質係軟腍腍，應該係蒸完再炸，食完嘴唇都有啲痴痴地，超有膠質，一定要加埋面頭嘅紫洋蔥碎、蒜末同蔥花，超級有滋味‼️🔻青島啤酒(大) 💰28食辣野一定會要飲啤酒，超嘆☺️本身想食埋店內招牌嘅熊貓冰粉🐼但係夜晚黎賣曬了，下次一定要再試下☺️店內環境都幾好，好適合幾個朋友一齊黎食野，傾下計～
呢幾日天氣凍左，想食啲熱野辣野暖返先，所以就黎左食烤魚啦～🐟🔻酸菜豆腐青花椒烤魚 💰228 🌟
起香港好少見到萬州烤魚，今次一於黎試下～烤魚煎炸完搭配青花椒、酸菜、芽菜、豆腐煮，每樣食材都吸滿湯底，越煮越辣，越辣越想食，超惹味😋烤魚嘅外皮炸得好酥脆，但煮完又吸滿酸辣嘅湯汁，絕對係我起香港食嘅數一數二好味嘅烤魚👍🏻
🔻膠原脆皮豬手 💰128
呢道菜好花心思，絕對係功夫菜！豬手炸完表皮脆卜卜，但肉質係軟腍腍，應該係蒸完再炸，食完嘴唇都有啲痴痴地，超有膠質，一定要加埋面頭嘅紫洋蔥碎、蒜末同蔥花，超級有滋味‼️
🔻青島啤酒(大) 💰28
食辣野一定會要飲啤酒，超嘆☺️
本身想食埋店內招牌嘅熊貓冰粉🐼但係夜晚黎賣曬了，下次一定要再試下☺️店內環境都幾好，好適合幾個朋友一齊黎食野，傾下計～
Post
