Read full review
2020-06-30
2730 views
多年前係加老連山道舊舖食過最普通果款牛肉漢堡,覺得唔錯,但就一直未試佢較出名嘅鵝肝同軟殻蟹,今晚同朋友黎到搬舗後嘅本店試下。🍴芝士旋風薯條 HK$55薯圈炸得香脆,唔算多油,芝士醬亦都幾澎湃,我就愈食愈滯,但我朋友鍾意芝士所以唔覺得滯。🍴牛油果醬芝士薯條 HK$65薯條就冇薯圈咁脆,偏腍身,朋友好鍾意牛油果,食得好滋味,我就麻麻,覺得有少少草青味。🍴香辣單骨雞翼配蜜糖芥末醬 HK$60有啲似老麥雞翼,單骨易咬啲,醬汁甜多過辣,唔錯。🍴鵝肝牛肉漢堡 HK$168麵包鬆軟,但烘得唔夠香脆,鵝肝同牛肉表面煎得夠香,鵝肝油香同牛肉肉味唔會互相遮蓋。🍴大烤菇軟殼蟹漢堡 HK$138大烤菇幾香軟,軟殻蟹大大隻,脆皮似英式炸魚,唔算油膩,可惜唔夠醬汁有啲乾,要另外落埋雞翼果啲蜜糖芥末醬先食得落。🍴Mojito HK$68淡淡青澀味加上冰爽薄荷味,酒味唔濃,消暑一流。🍴蜜桃冰茶 HK$38蜜桃味幾自然唔會太甜,紅茶濃淡適中,清新解渴。📍Burgeroom銅鑼灣Fashion Walk食街百德新街50-56號地下D舗
多年前係加老連山道舊舖食過最普通果款牛肉漢堡,覺得唔錯,但就一直未試佢較出名嘅鵝肝同軟殻蟹,今晚同朋友黎到搬舗後嘅本店試下。
🍴芝士旋風薯條 HK$55
薯圈炸得香脆,唔算多油,芝士醬亦都幾澎湃,我就愈食愈滯,但我朋友鍾意芝士所以唔覺得滯。
🍴牛油果醬芝士薯條 HK$65
薯條就冇薯圈咁脆,偏腍身,朋友好鍾意牛油果,食得好滋味,我就麻麻,覺得有少少草青味。
🍴香辣單骨雞翼配蜜糖芥末醬 HK$60
有啲似老麥雞翼,單骨易咬啲,醬汁甜多過辣,唔錯。
🍴鵝肝牛肉漢堡 HK$168
麵包鬆軟,但烘得唔夠香脆,鵝肝同牛肉表面煎得夠香,鵝肝油香同牛肉肉味唔會互相遮蓋。
🍴大烤菇軟殼蟹漢堡 HK$138
大烤菇幾香軟,軟殻蟹大大隻,脆皮似英式炸魚,唔算油膩,可惜唔夠醬汁有啲乾,要另外落埋雞翼果啲蜜糖芥末醬先食得落。
🍴Mojito HK$68
淡淡青澀味加上冰爽薄荷味,酒味唔濃,消暑一流。
🍴蜜桃冰茶 HK$38
蜜桃味幾自然唔會太甜,紅茶濃淡適中,清新解渴。
📍Burgeroom
銅鑼灣Fashion Walk食街百德新街50-56號地下D舗
Post