.
灣仔有間超級高質嘅日本菜!! 家賀屋刺身寿司專門店!!
雖然係樓上舖，但係佢哋嘅人流都唔少㗎，主打高質日本刺身壽司及小食，～
而且佢哋有客制嘅畫碟服務
連朋友超級鍾意嘅chiikawa都畫到 🫶🏻
.
🐷岩手縣米崎真蠔6隻（日式柚子醋）
$145就食到六隻高質嘅生蠔，因為最近做緊優惠，所以有50% Off～
產地直送岩手米崎真蠔，鮮甜又多汁，日式柚子醋點綴，提升蠔味層次，酸香開胃！！
.
🐷海膽龍珠卷
卷物用上超靚靚海膽，仲有裏面有一粒大大粒嘅醬油漬蛋黃，仲包住左啲順滑嘅吞拿魚蓉同海膽，海膽嘅鮮味真心超級濃郁，雖然蛋黃嘅份量比例比較多，但係完全冇蓋過海膽嘅鮮味～
.
🐷月見-極丼
極丼配主打刺身加生蛋黃，豐富三文魚子、海膽、吞拿魚蓉，全碗配搭新鮮，蛋黃拌勻後更滑溜，整體份量亦都係一啲都唔孤寒，超級滿足！！
.
🐷火炙厚切鮟鱇魚肝
厚切鮟鱇魚肝輕輕火炙後更香滑細膩，入口即融，帶淡淡焦香，味道濃郁又不膩。
.
🐷黑松露煙燻帆立貝
帆立貝大粒鮮甜，煙燻香配黑松露醬，貝肉彈牙唔會腥，層次分明。
.
🐷自家焦糖玉子燒
玉子燒蛋香濃甜，上層燒焦糖，帶微脆同焦香，滑溜不膩～
.
🐷清酒牛油煮蜆
蜆肉飽滿無沙，牛油香同清酒提鮮，湯汁鹹香入味，蜆味突出
.
🐷芝麻雞軟骨
雞軟骨炸得外脆內爽口，而且有咬口，同平時放題食開嗰啲乾柴到不得了嘅雞軟骨冇得比！！
.
🐷朱古力心太軟配雲尼拿雪糕
心太軟微微流心，朱古力味濃郁，配雪糕冰火交融，甜品收尾非常滿足～
1
.
🐷巨峰提子乳酸梳打酒
酒味輕柔唔易醉，提子清香配乳酸微甜，口感順滑，啱晒想輕鬆飲返杯
.
家賀屋刺身寿司專門店
📍灣仔灣仔道83號1樓
.
#吃貨日常 #香港 #日本菜 #刺身 #壽司 #小食 #海鮮 #甜品 #港島 #灣仔 #灣仔好去處 #灣仔美食 #hkfoodie #foodiehk #灣仔美食
