職員都推介我地依家有優惠價 - 佛跳牆金湯麵🍜，我地見賣相咁吸引都點左👍🏿仲有招牌永年大碗麵，小食牛三寶😋，當然唔少得杯抹茶紅豆冰。
佛跳牆金湯麵🍜
賣相確係一流，先出乾麵上枱再有侍應會拎個傳統嘅暖水壺後加湯，將啲金湯喺我地面前倒落佛跳牆入面，入面有鮑魚、花膠，金蠔、大花菇、仲有老虎蝦乾，金華火腿等等，非常足料，入味滑嘟嘟花膠好大塊完全覺得物有所值，大花菇滿滿蠔油香味，鮑魚金蠔都煲得夠入味，每一樣材料都精心煮再配上清清地上湯，成碗連湯都比我清光光。
1
永年大碗麵🍜
豬腸、魚蛋、蘿蔔、豬紅、豬皮、雞翼、雞翼尖、魷魚🦑紅腸、時菜。差唔多試晒所有招牌配料，材料極多👍豬腸非常肥美入味，魷魚爽口，肉質夠爽，雞翼肉質夠嫩，陳皮魚蛋好彈牙，蘿蔔味道鮮甜，紅腸更添懷舊風味。
牛三寶🥘
傳統車仔麵小食有齊我鐘意牛肚、牛筋、牛柏葉非常吸引，牛肚炆得煙韌，牛筋口感一流好入味，沒有渣，牛柏葉爽口彈牙，小小辣加腩汁剛好完美配搭。
花膠碗仔翅🍲
花膠份量都幾多口感一流，再配上街坊小食碗仔翅，的確平實中帶一點奢華。
蘋果雪梨燉豬展🍎🍐🐷
味道非常清甜，蘋果雪梨又夠滋潤。
抹茶紅豆冰🍵
抹茶🍵回甘味濃郁，紅豆不太甜，較淡口不過不失。
