牛牛日式火鍋放題 (海之戀商場) (Closed)

前嗰排同同事吹水問吓佢最近食咗乜好野，佢就話食咗間好抵食嘅火鍋放題，咁啱又約咗好姊妹敘舊喎，所以就決定去佢講呢一間火鍋店食嘢。朋友就叫咗一個藥膳麻辣鍋，唔食辣嘅我聞到已經覺得好香辣，佢就話辣得嚟都幾重藥膳香味，中和左後都唔會話辣到好辛苦。我就正正常常叫返個關東壽喜燒鍋，好有日式風味，都有少少甜豉油嘅香味，唔算太heavy ，不錯。海鮮、肉類、炸物、小食、甜品、沙律！哇估唔到真係乜都有齊🥹最正同最想推介嘅就係佢哋啲肉！咁多款牛肉我最鍾意食牛胸腹，牛味超級香濃，肥瘦適中。之後有驚喜嘅就係澳洲綠草原羊肩肉，估唔到肉就鮮嫩，仲要一啲羊嘅臊味都冇！