Read full review
2022-10-21
8885 views
萬麗海景酒店嘅自助餐已經食過好幾次😍各款食物嘅質素都唔錯👍🏻，回頭率都幾高！今次又嚟食！酒店網上商店優惠價，星期一至四，成人價$539，星期五至日及公眾假期，成人價$572🌟海鮮站食海鮮係自助餐嘅回本位，除咗正常一般酒店會出現嘅蟹腳、龍蝦鉗、青口、蝦🦐之外，呢到仲有面包蟹！勁多膏，鐘意食蟹膏嘅一定唔可以錯過。新鮮嘅即開生蠔，每次可以拎三隻，雖然較細隻，但係廚師👩🏽🍳好快手，唔駛點排隊已經即刻拎得，食多啲補數🤣除咗生嘅海鮮之外，最大賣點就係有人氣焗龍蝦🦞！開邊芝士焗龍蝦，新鮮出爐😍龍蝦肉爽口結實，有時出面食，啲忌廉蘑菇汁仲多過舊肉，但係呢到無多餘嘅白汁，適當份量、燒過嘅芝士蓋面，必食item之一🌟熱食食肉獸緊係狂食肉，燒牛肉中間係嫩嫩嘅粉紅色，入口肉味都幾濃郁，仲有啲焦香味；慢煮牛即場煎香，擺盤勁高級；羊架肥瘦程度剛好，點上薄荷醬，好食！熟食區另外仲有燒魚、豉椒炒蜆、燒春雞、豉椒炒蜆、蕃茄蝦、蒸龍躉粉絲，印度咖哩、越式生牛肉粉、中式點心、中式燉湯，款式唔算勁多，但係好多都好好食😋🌟日式刺身區一共有5款，包括三文魚、油甘魚、八爪魚、吞拿魚&鮑片；我encore咗幾次三文魚、吞拿魚，塊塊都
🌟海鮮站
食海鮮係自助餐嘅回本位，除咗正常一般酒店會出現嘅蟹腳、龍蝦鉗、青口、蝦🦐之外，呢到仲有面包蟹！勁多膏，鐘意食蟹膏嘅一定唔可以錯過。
新鮮嘅即開生蠔，每次可以拎三隻，雖然較細隻，但係廚師👩🏽🍳好快手，唔駛點排隊已經即刻拎得，食多啲補數🤣
除咗生嘅海鮮之外，最大賣點就係有人氣焗龍蝦🦞！開邊芝士焗龍蝦，新鮮出爐😍龍蝦肉爽口結實，有時出面食，啲忌廉蘑菇汁仲多過舊肉，但係呢到無多餘嘅白汁，適當份量、燒過嘅芝士蓋面，必食item之一
🌟熱食
食肉獸緊係狂食肉，燒牛肉中間係嫩嫩嘅粉紅色，入口肉味都幾濃郁，仲有啲焦香味；慢煮牛即場煎香，擺盤勁高級；羊架肥瘦程度剛好，點上薄荷醬，好食！
熟食區另外仲有燒魚、豉椒炒蜆、燒春雞、豉椒炒蜆、蕃茄蝦、蒸龍躉粉絲，印度咖哩、越式生牛肉粉、中式點心、中式燉湯，款式唔算勁多，但係好多都好好食😋
🌟日式刺身區
一共有5款，包括三文魚、油甘魚、八爪魚、吞拿魚&鮑片；我encore咗幾次三文魚、吞拿魚，塊塊都厚切肥美；壽司嘅賣相都唔錯
🌟甜品區
靚靚嘅蛋糕🍰&各式各樣精美嘅甜品杯，我最欣賞芝士蛋糕，可惜今次無啲即整嘅甜品；身為雪糕怪嘅我，食咗好多杯Haagen-Dazs回本，有士多啤梨🍓、朱古力、咖啡、曲奇忌廉等口味
Post
