$468套餐 一位
刺身三點
北海道帆立貝，池魚，赤身
刺身好新鮮，都會講解有淡到濃咁樣食法，賣相精美不在話下。赤身含脂量少、肉質實、有咬口，但又有拖羅既魚香。最緊要係唔腥。
茶碗蒸
勁動L! 又有魚子點綴，入口爆汁好正!
關西風壽喜燒
一人配咗一隻生雞蛋，師傅話如果唔夠嘅話，可以繼續加雞蛋。唔似得出邊咁樣，淨係可以要一隻。完全可以係生雞蛋放題。足夠嘅份量可以每1塊肉或者飯都可以沾滿生雞蛋。
巴西牛舌
少啲筋，爽口，唔會韌。好少何食到咁厚嘅牛舌都係咁爽口，唔會咬唔入。
同朋友一人揀一樣, 可以食曬2款牛
精選和牛肉眼
油脂分怖平均，口感好滿足。
精選和牛西冷
西冷部位冇咁油，肉味重。
2種牛都係完美入口即溶
美國熟成肉眼
同雞肉2揀1，可以同朋友share，每人揀一樣。
惠比壽雞腿肉（100g）
第一次食到壽喜燒味道嘅雞肉，估唔到甜甜地都幾好食。
時令野菜四點
南瓜🎃，2種菜，芋絲，冬菇，但由於我同朋友都唔食南瓜，師傅好貼心咁幫我轉咗做菜，唔會因為唔食而份量少咗。
御飯或烏冬
飯唔夠食可以再加!! 唔會唔夠飽。仲有炒烏冬，配埋個壽喜燒汁加蛋。
舞茸菇清湯
可以解膩，好FRESH既湯。
是日甜品 抺茶雪糕
抺茶味重，軟滑。
