原來串燒每人只可以揀四款，有啲唔夠喉😢好在每款都燒得好香口，牛柳粒唔會韌，生蠔扇貝都冇腥味！
雞煲入面雞件數量唔算特別多，但因為仲有邊爐，所以都唔怕食唔曬🤣雞件嫩滑多汁，雞肉味濃郁，配埋秘製醬料超好味！
火鍋揀咗花膠雞濃湯，入面有好多舊花膠，仲要好大件，食完都覺得皮膚好咗🤣
必嗌配料緊係牛肉啦，油脂分佈均勻，安格斯肩胛同牛板腱偏瘦
廚師發辦嘅靚牛肉油脂就多啲啦，食落油脂香更加重。呢度嘅鴨血都好出色，嗌咗幾轉😋
綜合黎講大部分配料都唔錯，性價比非常高！嘢飲方面有唔少選擇，仲有啤酒添！
另外怕湯底太淡都可以自己整一碗調味，牛肉點少少醬汁更加好食～
