小店是典型打冷式飯店裝修，比大排檔食得舒服，起碼大熱天時唔會食到身水身汗。
好想食肉餅，店員介紹呢個銀魚爆牙肉餅，好想食。一食真係巧手！
肉好彈牙，蒸到好有肉汁，入面有D馬碲粒，加上上好的銀魚仔，還有芫茜蔥粒，淋上惹味生抽後，層次一流，又鮮又有肉香又彈牙爆汁，如此家常菜做到咁好，足見師傅功力十足，真係高人也。
另外叫了一個久遺了的蠔仔粥，蠔仔比較大，但十份鮮味，去腥做到足，食到有方魚碎味道，加上濃郁蔥香和芫茜香味，加上胡椒粉香，呢款鮮到震蠔粥，係必食潮物。
還有個例湯，菜乾煲豬骨，清甜潤喉，無咪精，好潤。心想我都應該跟佢地學下師啦。
