🤩平均每人$262
2
呢個無限時海鮮火鍋真係好抵食，除咗配料任食之外，一個價錢已經包晒以下所有嘢！隨便點，一定食到飽。
湯底有好多款選擇，性價比高到爆！
近期最新推介鍋底：時令羊腩鍋、澳門豬骨鍋、重慶辣雞鍋
簡單鮮美鍋底：冬瓜瑤柱鍋、皮蛋芫荽鍋、招牌鴛鴦鍋、蕃茄薯仔鍋、滋補藥膳鍋、姬松茸雜菌鍋、秘製麻辣鍋、龍蝦鍋（另+$128）
🐑 時令羊腩煲
今次叫咗雙冬羊腩煲，羊腩煲得軟嫩入味，羊肉肥瘦平衡，咬落嫩滑無膩味。加咗冬菇、馬蹄、枝竹，湯汁濃郁暖胃，配埋其他火鍋料一齊食落，一煲夠哂喉夠過癮。
🦐 環球海鮮盤
海鮮盤超豪華，滿盤新鮮海鮮堆滿，視覺爆燈。蘇格蘭大蟶子肉厚彈牙鮮甜，大扇貝厚實多汁帶海味，大大隻蠔滑溜鮮美，海蝦又甜又彈牙，墨魚爽彈，青口吸汁。
🍣 刺身拼盤
拼盤夠新鮮，厚切三文魚肥美，油潤入口即化，希靈魚細緻鮮甜，北寄貝爽脆帶海香，甜蝦軟滑微甜。配醬油同芥末食落清爽解膩，刺身控天堂。
🥩 阿翁極級牛頸脊
阿翁極級牛頸脊肉質細膩，厚薄度適中，涮落火鍋嫩滑鮮甜，牛味撲鼻無柴。牛脂融化入口，瘦肉鮮嫩，煮幾秒就熟，配羊腩煲湯底吸滿鮮味，呢盤真係牛肉迷必點。
🦪 蠔皇鮑魚扣玉掌
呢個簡直係我最愛，蠔皇汁非常濃郁，鮑魚厚實軟嫩入味，玉掌炆得夠腍啖啖膠質，真係滋補又滿足啊！🥰
🥟 至尊水餃皇
呢個係我極力推薦，餡喺爆多！內餡用左好多原粒蝦包住，咬落蝦味爆出嚟，不愧為水餃皇，煮熟Q彈唔鬆散，比坊間嘅水餃可以話呢度食一隻頂人哋三隻🤤
任食套餐已經包咗好多嘢食，所以我哋額外點嘅配料都唔多，已經好夠豐富，太飽好full🤣
鮮蝦滑
墨魚滑
大魚頭
鱔片
⭐️半島漁港/阿翁火鍋館 (馬鞍山)
📍馬鞍山馬鞍山烏溪沙路8號迎海薈地下2A號舖
