相馬日式火鍋 (Closed)

今日係朋友生日，本身好中意去日本既我地，因為疫情關係冇得飛，所以一約出嚟食飯一定係食日本野，今次我就揀咗位於西環西營盤嘅相馬日式火鍋店，呢間啲人氣都唔錯，見到上網好多好評，一於試試😉😉我哋兩個都係好鍾意食辣嘅人，所以即刻就點左個中華辣湯，夠晒惹味🤤個湯底上到枱面，我哋已經聞到好濃郁既香辣味，成個湯底呈紅色，十分足料👍呢度既美國特選牛肩胛必叫，厚薄適中，放入中華辣湯底10秒夾出黎，非常好味。肉味濃而又嫩滑juicy，滋味十足😋食到停唔到好不得不提佢地呢間既雞翼做得好出色，超多唔同口味選擇，滿足唔同人嘅需求🤤 鍾意食雞翼嘅一定要試下😉最推介嘅就係芝士雞翼，真係好少地方可以食到，香濃嘅芝士味，配埋香脆雞翼，簡直係一流👍👍總括嚟講，咁嘅價錢可以食到咁多嘢食，真係超級抵👍