漁場台風

Open Now

Now Closed

原本想去同區嘅拉麵店🍜，但係撞正佢休息，咁就黎試吓新野喇。店舖裝潢別具特色，入到去就發現同一般日式裝修🎏嘅拉麵店唔同，周圍貼滿晒食客嘅留言📝同動漫嘅插畫🎨，令店內嘅環境色彩繽紛。鰹魚味豚骨拉麵 $83就咁睇顏色就知道非常之濃厚，湯底濃郁，除咗表面嘅鰹魚碎，可以食得出湯入面有勁多鰹魚粉🐠，但鰹魚味就稍微遮過左豚肉🐷湯底本身嘅味道。拉麵嘅粗幼度適中，係直身麵嚟相對冇咁掛湯，麵質煙韌。而流心蛋🥚都唔錯，叉燒🍖薄薄一片，肥瘦適中。我覺得整體都唔錯，鰹魚味🐟比我想像中強，鍾意重口味嘅朋友應該會喜歡，我下次就想嘗試返豚骨湯底🍜。