呢間居酒屋有大部分店員都係日本人 尤其係燒魚/擺盤既師傅🩷當日坐bar台 可以好清楚咁睇到師傅細心燒魚同調味 即叫既燒 熱辣辣食就最正了🙂↕️
.
佢地全部lunch set 都配有白飯 麵豉湯 2款前菜同沙律🥗
當日有白飯魚薯仔沙律同關東煮🍢 關東煮好入味 大根仲煮到好腍🥹超好食!
到主菜啦! 西京燒 極好食 燒到外皮香脆 魚肉好嫩好滑 香甜 仲有豐富魚油 !
同事揀既3款燒魚分別係三文魚 鯖魚同埋鰤魚
佢好喜歡鰤魚 肉質好細緻 仲帶有淡淡既甜味 入口即溶
愛吃魚的人必點! 仲可以試晒3款魚😍
.
另外仲叫咗燒明太子淮山 咸香嘅明太子醬配上脆口淮山 健康又好味 突然間勁掛住福岡!!!🤩
.
最後都係忍唔住叫埋甜品😝
叫咗是日雪糕同埋味噌法式燉蛋
柚子雪葩味道清新 最啱夏天食!
而法式燉蛋有別於平時食開嘅款式 🍮面頭有燒得香脆嘅焦糖 跟住就係嫩滑燉蛋 食到最底有煙韌蕨餅!! 非常有驚喜 個人認為係必點的!🥰
