門口採用青綠色比較搶眼
1
菜單亦都好色彩繽紛，好多選擇，小籠包/點心/小食/海鮮/甜品樣樣都有。 
而點餐就採用點餐紙。
風味口水雞 $48
係一度涼菜，口水雞啖啖肉，好少骨，入口雞肉嫩滑，唔算好辣，底層有青瓜，沾上麻辣醬好惹味。
天山雪蓮果燉海星 $42
湯好濃郁，有成大片海星，因為唔識食所以冇食到，天山雪蓮滋潤又健康。
鮮肉一口小籠包 $48
小籠包皮薄，要小心別弄穿皮而令到肉汁流出，小籠包肉汁鮮甜，熱食好滋味。
黑蒜醬油炒飯 $78
第一次食黑蒜炒飯，望落好似生炒糯米飯，食落又冇生炒糯米飯咁硬身，黑蒜味香濃，飯炒得夠乾身好爽口。
1
手撕千絲餅 $28
呢個好好食，一咬落十分鬆軟，帶點點脆口，入面係羅白絲甜甜的。
金湯小米煮肥牛 $68
鍋下面有蠟燭喺度坐暖，一粒粒好細粒嘅小米混入肥牛，肥牛肥瘦度適中，而且好多片，小米唔需要咬可以直接吞落肚，食落口好似牛肉羹咁可以當湯飲，送飯一流。
檸檬薏米水(熱飲) $22
很適合冬天飲，入口又啖啖的檸檬味，同薏米配搭很棒，可以去水腫，而且好暖胃。
鮮果拿破崙酥 $68
賣相吸引，好大碟呀！四個人share食啱啱好，酥皮夠香脆，入口忌廉好軟滑。
茶芥每位＄6，而呢度嘅茶係採用蕎麥茶，飲落都充滿蕎麥嘅香味，非常健康，要由服務員添茶，服務員亦添得好密。
如果坐喺窗口可以睇到夜景，呢餐又飽又滿足。
