Read full review
2020-06-10
1759 views
今晚二人去左黃大仙撐枱腳，<和氣食堂>一直人氣高企，一定有佢既原因，今晚我地都比佢吸引住，好彩等左吾係好耐，十分鐘左右，便有二人枱。睇完個Menu，真係超級勁多選擇，沙律、魚生、刺身、卷物、定食、冷麵、鍋物、甜品樣樣都有，簡來簡去，因為有太多野想試，有選擇困難症既我，都花左少少時間先落到單。<火焰左口魚邊牛油果沙律>沙律用金屬碗上，可以保持冷凍感。牛油果同沙律菜好新鮮。火焰左口魚好肥美，入口好嫰滑，仲帶有魚油味，上面仲有黑松露醬，感覺好清新開胃。<芝士軟殼蟹卷>呢個芝士軟殼蟹卷，上面有好多蟹子，軟殼蟹微脆，放滿整個飯卷入面，仲有芝士同沙律醬配襯，非常好食。<燒鱈魚棒>燒鱈魚棒非常香脆，入口甜甜地，作為前菜，絕對係驚喜之作!!~<珍寶赤蝦海鮮丼>主食叫左魚生飯，赤蝦勁大隻吖!!有成隻女仔手掌甘長，而且肉質夠彈牙，仲好甜好新鮮。其它刺身有帶子同三文魚，同樣鮮甜肥美，仲有爆多蟹子鋪係面。大讚吖!!~<海膽冷素麵>海膽冷麵份量好多，可以足夠二人分享。上面除左有4大片海膽，冷麵下面仲有好多好cream
睇完個Menu，真係超級勁多選擇，沙律、魚生、刺身、卷物、定食、冷麵、鍋物、甜品樣樣都有，簡來簡去，因為有太多野想試，有選擇困難症既我，都花左少少時間先落到單。
<火焰左口魚邊牛油果沙律>
沙律用金屬碗上，可以保持冷凍感。牛油果同沙律菜好新鮮。火焰左口魚好肥美，入口好嫰滑，仲帶有魚油味，上面仲有黑松露醬，感覺好清新開胃。
27 views
0 likes
0 comments
<芝士軟殼蟹卷>
呢個芝士軟殼蟹卷，上面有好多蟹子，軟殼蟹微脆，放滿整個飯卷入面，仲有芝士同沙律醬配襯，非常好食。
22 views
0 likes
0 comments
<燒鱈魚棒>
燒鱈魚棒非常香脆，入口甜甜地，作為前菜，絕對係驚喜之作!!~
25 views
0 likes
0 comments
<珍寶赤蝦海鮮丼>
主食叫左魚生飯，赤蝦勁大隻吖!!有成隻女仔手掌甘長，而且肉質夠彈牙，仲好甜好新鮮。其它刺身有帶子同三文魚，同樣鮮甜肥美，仲有爆多蟹子鋪係面。大讚吖!!~
22 views
0 likes
0 comments
<海膽冷素麵>
海膽冷麵份量好多，可以足夠二人分享。上面除左有4大片海膽，冷麵下面仲有好多好creamy 既海膽醬。冷麵入口非常細滑，撈埋滿滿既海膽醬，清新得來，完全不帶膩感，真係大滿足吖!!~
17 views
0 likes
0 comments
見到唔少客人都order左雪糕甜品，我地都按耐不住，叫左個<糯米糍紅豆培茶牛奶雪糕>。培茶牛奶雪糕有淡淡既培茶味，牛奶雪糕非常香滑，仲有紅豆蓉同少女味勁濃既粉色系粒粒Q彈糯米糍，真係吾好講少，真心好食!! 係至強推介吖!!~
13 views
0 likes
0 comments
另外我地仲試左兩杯特飲，分別係<檸檬藍柑梳打>同<藍柑白桃梳打>，單睇呢個海天藍色已經令人無法抗拒，兩杯都係帶酸酸甜甜口味，清甜口感，夠曬冰涼，啱曬炎炎夏日。
10 views
0 likes
0 comments
12 views
0 likes
0 comments
成餐日式料理，二個人都係五百幾蚊，已經飽到上心口。值得一讚既係，餐廳雖然客人不少，但上菜速度好快，效率好高，而且服務質素不錯，價格亦非常大眾化，絕對係值得再來既食堂吖!!~
Post
