Video
Read full review
2022-01-31
619 views
📍Bakehouse - #YFF尖沙咀-超人氣BAKERY ‼️‼️🥐🍞呢間由前四季酒店餅廚Greg主理既極高人氣bakery終於衝出港島 係尖沙咀開設咗九龍第一間分店喇😛呢間分店唔同既係 佢有賣分店限定既特別菠蘿包 而相同既係 佢都係長期都有一條極長既人龍架🥲 建議大家有好多時間 真係好得閒冇野做先好去排隊 因為要預時間摸門釘 你排緊既時候永遠唔會知自己想食既野會唔會隨時賣晒 (p.s.我試過幾次…😢)今次weekend下晝黎排 排咗around 45mins 好好彩到我地既時候仲有少量既蛋撻 但菠蘿包同牛角包已經一早賣晒😰每日限量發售 手快有手慢冇-🔸𝙎𝙤𝙪𝙧𝙙𝙤𝙪𝙜𝙝 𝙀𝙜𝙜 𝙩𝙖𝙧𝙩 ($12)人氣招牌商品‼️ 每人限買六個架咋～蛋撻皮用咗酸種酥皮搓成 比起一般蛋撻用既餅皮特別～酸種酥皮既特點係外脆內煙韌 食落好似牛角酥既質地重牛油香之餘 又食到一層層非常鬆化 但唔會好似普通酥皮咁碎到成口都係酥皮碎 新鮮出爐嗰陣熱辣辣食口感一流😻而蛋漿質地同味道都好似crème brûlée 蛋香十足 非常滑溜 表面就有甜甜既焦糖香 但略嫌有啲甜膩 食一兩件當下午茶就啱啱好🍵-🔸𝙈𝙖𝙩𝙘𝙝𝙖 𝙒𝙝
-
超人氣BAKERY ‼️‼️🥐🍞
呢間由前四季酒店餅廚Greg主理既極高人氣bakery終於衝出港島 係尖沙咀開設咗九龍第一間分店喇😛
呢間分店唔同既係 佢有賣分店限定既特別菠蘿包 而相同既係 佢都係長期都有一條極長既人龍架🥲
建議大家有好多時間 真係好得閒冇野做先好去排隊 因為要預時間摸門釘 你排緊既時候永遠唔會知自己想食既野會唔會隨時賣晒 (p.s.我試過幾次…😢)
今次weekend下晝黎排 排咗around 45mins 好好彩到我地既時候仲有少量既蛋撻 但菠蘿包同牛角包已經一早賣晒😰
每日限量發售 手快有手慢冇
-
🔸𝙎𝙤𝙪𝙧𝙙𝙤𝙪𝙜𝙝 𝙀𝙜𝙜 𝙩𝙖𝙧𝙩 ($12)
人氣招牌商品‼️ 每人限買六個架咋～
蛋撻皮用咗酸種酥皮搓成 比起一般蛋撻用既餅皮特別～
酸種酥皮既特點係外脆內煙韌 食落好似牛角酥既質地
重牛油香之餘 又食到一層層非常鬆化 但唔會好似普通酥皮咁碎到成口都係酥皮碎 新鮮出爐嗰陣熱辣辣食口感一流😻
而蛋漿質地同味道都好似crème brûlée 蛋香十足 非常滑溜
表面就有甜甜既焦糖香 但略嫌有啲甜膩 食一兩件當下午茶就啱啱好🍵
-
🔸𝙈𝙖𝙩𝙘𝙝𝙖 𝙒𝙝𝙞𝙩𝙚 𝘾𝙝𝙤𝙘𝙤𝙡𝙖𝙩𝙚 𝘾𝙤𝙤𝙠𝙞𝙚𝙨 ($20)
呢塊曲奇超級大塊‼️有成隻手掌咁大🖐️😲
食得出有抹茶味 但欠缺回甘 而且可能因為白朱古力既份量同佔既比例都較多 所以成塊曲奇都偏甜 變相茶味唔濃😟
質地就比較似美式曲奇 較軟腍同甜 比較啱配茶同咖啡食☕️
Post
