Read full review
2020-07-21
2265 views
呢晚放工去咗Megabox食飯，商場好大，餐廳亦都多，但無幾多間合心水。朋友提議不如食「Mee...lemongrass」，因為經過見到係坐滿人的，比較有信心保證🙈。我一直都想試呢間餐廳，佢喺好多地方都有分店，但內心又有啲掙扎覺得佢個樣唔多好食咁，今日就可以一試廬山真面目😜。食物選擇都幾多，小食、喇沙、粉麵、飯、炒菜等基本嘢都齊，價錢屬中等水平。可能為咗迎合大眾口味，餐廳特設珍珠奶茶同水果茶嘅飲料，而唔係泰式奶茶或沙冰🤣。我哋叫咗一個主菜、一碟炒菜同一個小食拼盤Share食，好彩只係叫咗一個主菜，如果唔係一定食唔哂，因為份量都多👍！Mee...喇沙($84)，喇沙造型唔錯😍，鋪面已經見到有好多配料，包括大蝦、蜆肉、蟹柳、魚蛋、雞蛋、魷魚同豆卜，非常繽紛。麵底係傳統摻摻，即係油麵加米粉，兩樣都好掛湯。湯頭唔錯，香辣得嚟唔會太過火、太辣，幾正😋。不過我哋目測隔離枱叫龍蝦喇沙好似更加不得之了，直頭連個碗都大啲！Mee...小食拼盤($158)，樣樣小食都想食，咁叫拼盤就最適合不過，份量對二人嚟講其實都幾多。炸蝦餅同炸春卷各有四個半件，🍤蝦餅係我最鍾意嘅泰式小食，只要炸得夠脆，蝦膠夠彈牙就好食
呢晚放工去咗Megabox食飯，商場好大，餐廳亦都多，但無幾多間合心水。朋友提議不如食「Mee...lemongrass」，因為經過見到係坐滿人的，比較有信心保證🙈。
我一直都想試呢間餐廳，佢喺好多地方都有分店，但內心又有啲掙扎覺得佢個樣唔多好食咁，今日就可以一試廬山真面目😜。食物選擇都幾多，小食、喇沙、粉麵、飯、炒菜等基本嘢都齊，價錢屬中等水平。可能為咗迎合大眾口味，餐廳特設珍珠奶茶同水果茶嘅飲料，而唔係泰式奶茶或沙冰🤣。
我哋叫咗一個主菜、一碟炒菜同一個小食拼盤Share食，好彩只係叫咗一個主菜，如果唔係一定食唔哂，因為份量都多👍！
Mee...喇沙
$84
46 views
0 likes
0 comments
Mee...小食拼盤
$158
28 views
0 likes
0 comments
馬拉盞炒通菜
$68
19 views
0 likes
0 comments
香芒椰汁糯米飯
$48
22 views
0 likes
0 comments
鮮果四季春茶
$34
18 views
0 likes
0 comments
總括嚟講，我哋都估唔到餐廳嘅東南亞菜超乎預期中好食，價錢又合理，值得推介。環境大，坐得舒服，即係可以唔洗等登去九龍城都食到美味東南亞菜🇹🇭！
Post
