生記茶餐廳

好蟹年前食過一次覺得呢間餐廳性價比好高，想再返嚟呢間餐廳食好耐，但位置始終有啲隔涉，真係要好有心專登約先有得食。今次咁啱係黃埔收工，朋友又唔介紹尖東過嚟食，所以又可以食呢間啦

1

生滾膏蟹粥

第一次食呢間蟹粥，粥夠綿幾好食。因為唔係膏蟹當做季節，所以唔多膏，但好彩都有蟹嘅鮮甜味。

因為以前我食過呢度嘅籠仔膏蟹蒸飯，我個人推薦蒸飯多過粥🤭

清蒸蒜蓉蜆

海鮮新唔新鮮，清蒸一食就知！而呢度嘅貨係唔錯嘅，鮮甜帶蒜香，而且無沙

鹽酥墨魚咀

呢個墨魚咀只靠椒鹽，否則就無乜味，同埋外層炸漿都啲厚，可以skip嘅一道餸。

燒雞皮

雞皮可以燒得再乾身啲會更好味

1

蒜蓉蒸茄子

成晚最推介嘅一道餸！茄子蒸嘅火候掌握得幾好，唔會蒸到老晒或唔夠熟。切到一口就食到好方便，最正係茄子點上醬汁上蒜蒸，好惹味呀

《小總結》
小店人情味濃，老闆好好人會同你分享趣事。食物價錢無乜點加價，味道有水準，性價比極高！係一間可以經常encore嘅食肆。