Video
Read full review
2023-07-17
559 views
近排返工好多嘢做，放工真係想慰勞下自己🥹諗起有時經過H Zentre，有間日本餐廳想食好耐，決定夜晚去試吓。特選和牛盛合(五款) $558————————————諗起和牛充滿香氣嘅油脂，已經流晒口水🤤非常感謝店員好有耐性咁講解燒和牛嘅方法，避免錯誤地燒肉，浪費咗咁正嘅和牛啦係咪先🤤個人偏好由油脂較重嘅和牛燒起，最後食牛味比較重嘅和牛。首先燒1.和牛肩胛肉，肉質厚實卻又軟嫩，油花十分細緻，脂肪顏色程乳白色，入口油脂非常豐富。其次燒2.肉眼芯，肥美肉嫩、入口溶化，同樣油花細緻。之後燒3.和牛西冷，肉質非常柔軟細膩，脂肪分佈細密，霜降程度十分明顯。然後燒4.外側後腿肉，腿當然係運動量比較高嘅部位，理應脂肪少，但依個和牛嘅外側後腿肉，目測油脂都唔少，不過當然比前三款和牛少啲油脂，但口感更加紮實同有好香牛味。最後燒5.牛冧，雖然脂肪含量比以上嘅部位少，但肌理幼細同柔軟，可以享受滿滿牛肉香味。季節刺身盛合(五款) $598————————————由白身到赤身刺身都有，款款都好新鮮又厚身，非常滿足。個人最喜歡深海池魚，油脂厚，入口質感爽脆，淡淡鮮甜，厚切發揮出層次感，正。和牛煲仔飯 $298————
特選和牛盛合(五款) $558
————————————
諗起和牛充滿香氣嘅油脂，已經流晒口水🤤非常感謝店員好有耐性咁講解燒和牛嘅方法，避免錯誤地燒肉，浪費咗咁正嘅和牛啦係咪先🤤
個人偏好由油脂較重嘅和牛燒起，最後食牛味比較重嘅和牛。
首先燒1.和牛肩胛肉，肉質厚實卻又軟嫩，油花十分細緻，脂肪顏色程乳白色，入口油脂非常豐富。
其次燒2.肉眼芯，肥美肉嫩、入口溶化，同樣油花細緻。
之後燒3.和牛西冷，肉質非常柔軟細膩，脂肪分佈細密，霜降程度十分明顯。
然後燒4.外側後腿肉，腿當然係運動量比較高嘅部位，理應脂肪少，但依個和牛嘅外側後腿肉，目測油脂都唔少，不過當然比前三款和牛少啲油脂，但口感更加紮實同有好香牛味。
最後燒5.牛冧，雖然脂肪含量比以上嘅部位少，但肌理幼細同柔軟，可以享受滿滿牛肉香味。季節刺身盛合(五款) $598
————————————
由白身到赤身刺身都有，款款都好新鮮又厚身，非常滿足。個人最喜歡深海池魚，油脂厚，入口質感爽脆，淡淡鮮甜，厚切發揮出層次感，正。
和牛煲仔飯 $298
————————————
飯粒滲透住醬油嘅香氣，撈埋蛋、蔥花更加惹味，加埋和牛入口真係好正，豐富油脂香氣，我最鍾意煲仔飯有少少飯焦，淡淡焦香，令人難以抗拒🤤
烤和牛肩他他凱撒沙律 $138
————————————
和牛肩可以話係最重牛味嘅部位之一，薄切再烤，已經可散發濃厚嘅牛味，加入凱撒沙律🥗非常開胃。
季節味雪葩 $88
————————————
超適合夏天嘅柚子雪葩，用依個甜品收尾真係超正，淡淡的柚子香味，仲有少少柚子粒，超滿足。
Post
