Video
Read full review
2022-12-11
87 views
今日咁岩喺灣仔收工，搵緊有咩食嘅時候，發現之前雜誌推介過2D漫畫Cafe，一直都好想去，今日就一於去試吓啦！餐廳嘅門口已經係與別不同，純白嘅外牆上面畫咗唔同嘅花紋。一入去，就有一條長長嘅樓梯直上一樓，四周都係純白嘅外牆，就好似慢慢行入漫畫世界咁！每一個位都非常適合打卡，值得一提嘅係餐廳會播住宮崎駿嘅電影音樂，成個感覺好舒服好似入咗童話世界～✨ 阿根廷紅蝦刺身配蕃茄莎莎多士成道菜超靚，紅蝦刺身夠新鮮鮮甜，肉質爽口。蕃茄莎莎酸酸甜甜咁，感覺清新。配埋脆卜卜既多士係一道非常開胃既前菜～✨ 羊扒大蝦配新薯紅酒燒汁足足有三件羊扒，加上超大嘅大蝦。羊扒煎得啱啱好，唔會好熟，外層會有豐富嘅油脂，帶有少少焦香嘅味道。大蝦夠彈牙鮮甜。紅酒燒汁酸酸地，非常好咁平衡左羊嘅油膩感覺～✨ 慢焗美國安格斯牛胸肋條估唔到咁大份呀！安格斯嘅牛味道非常濃郁，配埋個醬汁都幾惹味。牛肉因為係慢焗嘅關係，肉質好林，輕輕一切就分開。餐廳用左牛胸肋條，肉雖然有脂肪，但唔會似腩位咁肥肥，無油淋淋感覺！✨ 富士芝櫻祭丸久小山園抹茶Tiramisu估唔到呢個甜品會咁樣present出嚟，一座小山上面竟然有鳥居⛩️！超啱打卡～呢個甜點用咗
今日咁岩喺灣仔收工，搵緊有咩食嘅時候，發現之前雜誌推介過2D漫畫Cafe，一直都好想去，今日就一於去試吓啦！
餐廳嘅門口已經係與別不同，純白嘅外牆上面畫咗唔同嘅花紋。一入去，就有一條長長嘅樓梯直上一樓，四周都係純白嘅外牆，就好似慢慢行入漫畫世界咁！每一個位都非常適合打卡，值得一提嘅係餐廳會播住宮崎駿嘅電影音樂，成個感覺好舒服好似入咗童話世界～
✨ 阿根廷紅蝦刺身配蕃茄莎莎多士
成道菜超靚，紅蝦刺身夠新鮮鮮甜，肉質爽口。蕃茄莎莎酸酸甜甜咁，感覺清新。配埋脆卜卜既多士係一道非常開胃既前菜～
✨ 羊扒大蝦配新薯紅酒燒汁
足足有三件羊扒，加上超大嘅大蝦。羊扒煎得啱啱好，唔會好熟，外層會有豐富嘅油脂，帶有少少焦香嘅味道。大蝦夠彈牙鮮甜。紅酒燒汁酸酸地，非常好咁平衡左羊嘅油膩感覺～
✨ 慢焗美國安格斯牛胸肋條
估唔到咁大份呀！安格斯嘅牛味道非常濃郁，配埋個醬汁都幾惹味。牛肉因為係慢焗嘅關係，肉質好林，輕輕一切就分開。餐廳用左牛胸肋條，肉雖然有脂肪，但唔會似腩位咁肥肥，無油淋淋感覺！
✨ 富士芝櫻祭丸久小山園抹茶Tiramisu
估唔到呢個甜品會咁樣present出嚟，一座小山上面竟然有鳥居⛩️！超啱打卡～呢個甜點用咗cream cheese同大量小山園綠茶粉製成，咩都唔會太甜或者太夠，反而有濃濃嘅抹茶香。再配上啲培茶餅乾碎，每一啖都有淡淡既茶味，成個搭配好夾。
✨ ULURU二次元立體夢幻蛋糕
最期待就係呢個蛋糕啦，因為呢排成日喺IG上面見到呢啲2D蛋糕，而家終於可以試吓。
蛋糕最上放咗一粒超大嘅士多啤梨，仲話仲有啲手手腳腳同眼耳口鼻俾佢，勁cute！個蛋糕外鋪咗厚厚嘅cream，口感柔滑，香氣濃郁。而入邊嘅蛋糕呢就保持濕潤，中間夾心加咗酸酸甜甜嘅士多啤梨果醬，仲可以食到粒粒士多啤梨果肉，超好食～
阿根廷紅蝦刺身配蕃茄莎莎多士
9 views
0 likes
0 comments
慢焗美國安格斯牛胸肋條
6 views
0 likes
0 comments
羊扒大蝦配新薯紅酒燒汁
11 views
0 likes
0 comments
ULURU二次元立體夢幻蛋糕
14 views
0 likes
0 comments
富士芝櫻祭丸久小山園抹茶Tiramisu
7 views
0 likes
0 comments
Post
