一入到去侍應已經幫我地倒豉油, 仲好細心咁講解兩種豉油既分別同介紹其他配類! 當中最特別又有驚喜既一定係佢地自家製既炸蔥油, 勁香! 一定要落埋啊!
湯底我地叫左花雕藥膳湯底, 一黎到見到幾乎奶白色既湯底已經急不及待想試下啦。入面有杞子, 紅棗, 同埋好多我講唔出名既藥材。 終於等到佢滾可以飲啦! 勁濃, 飲完又唔會口乾! 正喎!
野食方面我地叫左個大紅袍牛王拼盤 $338, 紫菜炸響鈴 $48, 招牌三拼餃 $128 同埋黑柏葉 $58。響鈴拖三四秒就食得, 加入左紫菜令佢多左一份香味, 都幾新鮮!
黑柏葉發揮正常, 爽口無腥味!
招牌三拼餃最有驚喜既就係黑松露蟹肉餃啦! 第一啖咬落去已經食到好香既黑松露, 仲有一梳梳既新鮮蟹肉啊! 佢地雙籽鮮蝦雲吞都好足料, 入面既蝦又彈牙又大隻!
大紅袍牛王拼盤有五款牛肉, 人少少又想試多啲野就岩晒啦! 拼盤有厚切牛脷粒, 鮮牛肉粒, 極級本地手切肥牛, 頂級安格斯牛頸脊同埋頂級澳洲和牛肉。厚切牛脷粒非常好食, 唔好睇佢大大粒以為會好難嚼, 佢爽口得黎仲好嫩滑! 必點! 本地手切肥牛既牛味超香濃, 但口感就無安格斯牛同澳洲和牛咁滑順啦!
食飽飽就出發去睇戲嚕~~
