Read full review
2020-01-23
133 views
晚上8:00左右到，但係要9:00先至有位，最後9:20左右入座，跟住叫得嘢食落單，都9:40先至有得食，真係餓到暈！因為實在太多人，所以本來環境好大好闊落樓底好高都好，一下子變得好嘈，甚至乎同朋友傾計嘅時候都覺得聽唔到大家講嘢。相信如果係下午茶嘅時間，氣氛會比較寧靜。環境好大，特別一張四人枱，比正常嘅更加大，所以每枱都有一定嘅距離。而且值得一讚，大家唔會搭枱，私隱度好好，讚！因為聖誕節嘅關係，出邊入邊都有兩棵好靚嘅聖誕樹好有特色！見到呢一幅擺滿Post card 既牆，來自世界各地不同的post card，睇到佢哋嘅背面真係寫咗字同埋貼左郵票㗎 ！清潔方面：我諗人客真係超出佢地估計，所以明顯餐廳嘅人手唔係好夠，見到侍應都好忙，所以在枱面清潔上的確有所遺漏。我哋見到枱上面有朱古力漬。而且拎餐具既時候，其中一支匙羹兩邊都仲有食物，當我出去換過一支嘅時候，竟然已經冇晒匙羹🥶🥶🥶🥶然後見到有好多碗碗碟碟仲未洗。至於食物方面，賣相和味道的確好出色！！如果以佢咁多人客來講，等候食物嘅時間其實都算合理！煎帶子南瓜泥拌碟非常之漂亮，好似一幅畫咁，實在唔捨得食咗佢！最好味係個帶子，唔會太熟，而且好鮮甜
因為實在太多人，所以本來環境好大好闊落樓底好高都好，一下子變得好嘈，甚至乎同朋友傾計嘅時候都覺得聽唔到大家講嘢。
相信如果係下午茶嘅時間，氣氛會比較寧靜。
環境好大，特別一張四人枱，比正常嘅更加大，所以每枱都有一定嘅距離。而且值得一讚，大家唔會搭枱，私隱度好好，讚！
因為聖誕節嘅關係，出邊入邊都有兩棵好靚嘅聖誕樹好有特色！
見到呢一幅擺滿Post card 既牆，來自世界各地不同的post card，睇到佢哋嘅背面真係寫咗字同埋貼左郵票㗎 ！
清潔方面：我諗人客真係超出佢地估計，所以明顯餐廳嘅人手唔係好夠，見到侍應都好忙，所以在枱面清潔上的確有所遺漏。我哋見到枱上面有朱古力漬。而且拎餐具既時候，其中一支匙羹兩邊都仲有食物，當我出去換過一支嘅時候，竟然已經冇晒匙羹🥶🥶🥶🥶然後見到有好多碗碗碟碟仲未洗。
至於食物方面，賣相和味道的確好出色！！
如果以佢咁多人客來講，等候食物嘅時間其實都算合理！
煎帶子南瓜泥
拌碟非常之漂亮，好似一幅畫咁，實在唔捨得食咗佢！最好味係個帶子，唔會太熟，而且好鮮甜！
干貝翠瓜奶油燉飯嘅賣相亦都係非常之靚。
最有驚喜嘅係，藜麥竟然係炸過，所以趣卜卜，加入濕漉漉既奶油燉飯，實在太好味啦！帶子比起頭先個碟南瓜泥，就熟左啲，應該係因為啲飯嘅緣故，但係都係一樣咁好味咁鮮甜。
黑糖牛奶🥛
上面d cream 好好味😋
成杯黑糖牛奶嘅味道都唔錯，不過就同出邊嘅手搖飲品味道差不多，未見突出。
Post
