Velo Italian Bar & Grill

同朋友慶祝生日，去到研究咗一陣，覺得個semi-buffet唔太吸到，反而單點好似選擇較多，所以冇試到buffet。

叫咗個海膽意粉同牛扒，仲有seafood platter。海膽意粉係見到openrice有人推介，果然冇令人失望。牛扒就只係叫咗件細的share，但其實都大份夠食。海鮮盤放到同食放題差唔多，一大個兜同雪咁上，印象中同餐牌張相唔同，但唔影響味道，都算好食。

成晚食物係好的，連任refill的包都好食，但間餐廳坐得太滿，啲侍應太忙，唔得閒理啲客。最失望係叫咗蛋糕，但佢哋唔肯寫人名，話因為廚師好忙喎。

喜歡食意大利餐的話，呢間都係好選擇，不過要專注食物，唔好因為見佢靚同貴就對服務有期望。