Video
Read full review
2021-11-10
60 views
星期日約左朋友（有兩位小朋友）一共6個去觀塘呢間貓貓cafe，我早左少少去到，2pm 左右望入去冇咩人。唔洗10分鐘已經超多人，個個都一家大細4-5個，但因為入座起計時90分鐘，我啲朋友未到所以我唯有攞張飛之後係門口等。點知唔洗幾分鐘就叫我張飛，我同個staff 講我未齊人，佢就同我解釋入座起計時，叫我齊人再同佢講。我幾位朋友大概2:15pm左右到，同staff 講齊人之後等左一陣就可以入。入去之前要著鞋套，探熱同消毒隻手。staff 帶我地去左餐廳既最入，果個位勁凍又少啲貓，啲貓集中曬係門口位☹️我地4個大人2個小朋友order 左個4人餐，啲野食都幾貴，個餐包括4個湯4個沙律，4杯飲品，不過大部分飲品都要on top 加$10-$25,連最普通既凍檸茶都要加$3🥶🥶🥶仲有就係兩個飯或意粉同一個pizza。不過同類cafe 來講，個質素都算唔錯，又有得食又有得玩差唔多啦🥺野食整體都唔錯，賣相同味道都ok。最有驚喜係呢個黑松露菠菜大啡菇忌廉意大利飯，入口creamy 但又唔會太膩🤤食緊野途中見到好多人買糧喂貓貓，所以我地就問staff ，點知staff 話要等我地食曬啲野清左枱先買得，可
唔洗10分鐘已經超多人，個個都一家大細4-5個，但因為入座起計時90分鐘，我啲朋友未到所以我唯有攞張飛之後係門口等。點知唔洗幾分鐘就叫我張飛，我同個staff 講我未齊人，佢就同我解釋入座起計時，叫我齊人再同佢講。
我幾位朋友大概2:15pm左右到，同staff 講齊人之後等左一陣就可以入。入去之前要著鞋套，探熱同消毒隻手。staff 帶我地去左餐廳既最入，果個位勁凍又少啲貓，啲貓集中曬係門口位☹️
我地4個大人2個小朋友order 左個4人餐，啲野食都幾貴，個餐包括4個湯4個沙律，4杯飲品，不過大部分飲品都要on top 加$10-$25,連最普通既凍檸茶都要加$3🥶🥶🥶仲有就係兩個飯或意粉同一個pizza。不過同類cafe 來講，個質素都算唔錯，又有得食又有得玩差唔多啦🥺
野食整體都唔錯，賣相同味道都ok。最有驚喜係呢個黑松露菠菜大啡菇忌廉意大利飯，入口creamy 但又唔會太膩🤤
食緊野途中見到好多人買糧喂貓貓，所以我地就問staff ，點知staff 話要等我地食曬啲野清左枱先買得，可能因為驚啲貓貓跳上枱食我地啲野🤣 咁我地就拿拿臨食，不過其實餐廳周圍都好多貓貓周圍走，係用餐地方附近訓教😪😪😪
不過到我地食完野清左枱之後，我地買既貓糧已經冇貓貓食，可能已經飽曬，因為真係好多人，見到有人擺啲糧係啲貓貓個身到，隻貓貓都唔食😂😂😂
Post
