餐廳細細，目測7張枱左右。我地雖然被安排坐高枱，但好適合傾計。我地由晚上8點坐到11點。
一打開食物紙，琳琅滿目既選擇。淨係雞翼都有6款，再分不同既味道同食法：燒雞全翼（沙嗲/蜜糖/鹽燒）、蜜糖雞翼、燒雞皮、燒山賊雞翼、明太子釀雞翼、燒芝心磨菇雞翼。
我地點左燒山賊雞翼，師傅好有心機燒，起碼燒左15分鐘先上碟。其間有易熟既食物（蘆筍/牛柳等）已上碟可讓我地邊食邊等。。。由於種類太多，未能盡錄。簡略講一d推介同不推不介既食物吧！
值得一試
- 鹽燒燒雞軟骨：非常推介，夠乾身鹽味好香。
- 燒雞皮：第一次食，無諗過可以燒到咁脆。極推
- 燒山賊雞翼（下圖中間）：外皮烤到好乾身，非常脆口，完全不油膩。雞翼既骨仲係被分開爲單骨方便進食,非常讚！我地點左兩轉
可以不試
- 芝士響令（左一）： 有新鮮感比個名呃到但唔好食
燒牛舌（右二）：個人不喜歡太厚同覺得味道可以再濃d
燒玉子（右一）：正常發揮
肉桂燒波蘿：波蘿配肉桂味道好怪，個喜歡無調味既燒波蘿多d
順帶一提，呢到既啤酒好好飲，面層既泡好似沙冰咁。
