GREEN

我同好友去咗酒店豪嘆一個四道菜滋味蟹宴。話明係蟹宴, 當然款款菜式都會包含蟹肉既成份。蟹肉好鮮甜, 所以我地每次都好期待每一道菜式既來臨。呢度既環境同氣氛都好好, 店員既服務態度超好, 值得一讚, 而且佢地既效率都好高. 隨時隨地為我地服務。首先, 店員會呈上麵包, 可以選擇意式香草麵包或者竹炭芝士麵包。我兩款味道都有試, 香草麵包既香草味好香 , 竹炭芝士麵包入面有軟糯既芝士, 麵包好鬆軟。蟹肉餅外層炸得好脆, 裡面既蟹肉碎份量好多, 蟹肉好鮮甜, 旁邊既芒果蟹肉沙律都好正, 芒果好夠甜! 蟹肉餅亦可以沾一些芥末醬, 令味道更加豐富。帝王蟹肉既蟹肉厚身、肥美兼鮮甜, 帶點蒜蓉同牛油香, 每一隻蟹腳都好厚肉, 啖啖肉, 好正~香煎三文魚柳上佈滿微脆既蟹肉碎, 三文魚柳肉質好嫩滑, 底下有少量瓜類同薯仔作伴碟。最後既甜品係朱古力火鍋, 呢個甜品會有士多啤梨同棉花糖, 旁邊仲有Lindt朱古力醬。小火爐主要係用黎燒棉花糖, 將棉花糖燒至微焦, 入面達半融狀態, 佢既質感會變得外微脆內軟, 棉花糖咬落仲會有拉絲效果。將甜甜既士多啤梨放入朱古力鍋入面, 沾一啲朱古力醬, 然後放入口食, 好味