Video
Read full review
2018-11-17
115 views
好多人如果唔係同屋企人食飯，都好少去食中菜，但其實間中都會有啲中菜好好食。成日去食茶樓，今次決定食豪啲，去食好西！🤭行去呢間「羲和雅苑」都花左二十分鐘以上呢，好遠喔。😢－果到既環境好舒服，座位好寬敞，如果靠窗坐既話，從落地大玻璃望出去，就係夜晚既海景，一望無際。🌊淨係食個景同環境，都已經夠。金色既茶壺同透明既水壺，未試過飲「白牡丹」，好奇試下，失望，同普通壽眉冇乜分別。😓－Menu大大本，圖文並茂，相當清晰。👏藍妹好欣賞佢某啲菜式會有簡介，令人知道所用既材料同特色。結果淨係睇Menu都睇左我地15分鐘。😂－相信重點推介一定係烤鴨，亦可以叫爆炸糖北京填鴨。爆炸糖北京填鴨（羲和烤鴨）首先介紹下佢既八寶盆。大蔥、京蔥、黃瓜同甜麵醬都係必備，平時都會見到。但呢到好特別，加入左芥末醬、藍梅醬、山楂條同爆炸糖。🤩（由於侍應叫我地要趁熱食，所以未等到第三味放埋上去，我地就開始食，最後藍妹只係影左頭兩味）講食法之前，不能不提佢地既細心之處，佢地分別係皮同鴨肉既下面都放左會發熱出煙既暖包，確保皮同鴨肉可以保持熱度。🤗。由左邊講起，第一味：鴨胸皮，第二味：鴨胸肉，第三味：鴨腿肉。侍應推介食法：1️⃣鴨胸皮 －
行去呢間「羲和雅苑」都花左二十分鐘以上呢，好遠喔。😢
－
果到既環境好舒服，座位好寬敞，如果靠窗坐既話，從落地大玻璃望出去，就係夜晚既海景，一望無際。🌊淨係食個景同環境，都已經夠。
金色既茶壺同透明既水壺，未試過飲「白牡丹」，好奇試下，失望，同普通壽眉冇乜分別。😓－
Menu大大本，圖文並茂，相當清晰。👏藍妹好欣賞佢某啲菜式會有簡介，令人知道所用既材料同特色。
結果淨係睇Menu都睇左我地15分鐘。😂
－
相信重點推介一定係烤鴨，亦可以叫爆炸糖北京填鴨。
爆炸糖北京填鴨（羲和烤鴨）首先介紹下佢既八寶盆。
大蔥、京蔥、黃瓜同甜麵醬都係必備，平時都會見到。
但呢到好特別，加入左芥末醬、藍梅醬、山楂條同爆炸糖。🤩
（由於侍應叫我地要趁熱食，所以未等到第三味放埋上去，我地就開始食，最後藍妹只係影左頭兩味）講食法之前，不能不提佢地既細心之處，佢地分別係皮同鴨肉既下面都放左會發熱出煙既暖包，確保皮同鴨肉可以保持熱度。🤗
。
由左邊講起，第一味：鴨胸皮，第二味：鴨胸肉，第三味：鴨腿肉。
侍應推介食法：
1️⃣鴨胸皮 － 藍梅醬，爆炸糖，入口含住兩秒先咬
2️⃣鴨胸肉 － 甜麵醬，山楂條
3️⃣鴨腿肉 － 芥末醬
。
➡鴨胸皮相當肥膩，油脂好多，就咁食真係成口油。於是藍梅醬同爆炸糖就起左佢地既作用。😱
藍梅醬微甜，完全唔會酸，爆炸糖同平時食零食果啲唔同，甜度下降左，兩樣夾埋一齊，大大減低左油膩感。😁
一開始含住係口兩秒，爆炸糖既爆炸作用令到鴨皮多左種口感，真係好聰明既食法配搭。👏
➡鴨胸肉肉質好嫩，肉汁充足，肥膩感相比起鴨胸皮少左好多，配上甜麵醬唔會太甜，相反山楂條既酸度好出色，成個味道即刻去另一個層次。😬
➡鴨腿肉係最多肉既部位，肉最結實不過都唔鞋，完全冇肥膩感，配芥末醬恰到好處。
。
三種既鴨部位其實都可以根據自己既喜好去選擇食法，好似藍妹咁，就最鐘意藍梅醬，輕輕既甜味係最吸引既。😏
所以試哂幾種食法之後，其餘一概點藍梅醬，加大蔥黃瓜去食。🤗
。
不過認真半份既份量有啲少，如果多人食既話會唔夠，價格亦有啲貴喔。🤐
－
清酒鹽水鵝肝全晚藍妹最鐘意既一定係呢個鵝肝，盛惠288，不過份量多，而且真係好好味！😵
全程冰鎮住，入口更新鮮。厚切鵝肝，佢唔係平時西餐煎果種，所以唔好諗住會入口即溶。
相反，口感好結實，啖啖都可以仔細咀嚼去品嚐佢既肝香。
不妨點多啲Washabi同鼓油，因為完全唔會搶左鵝肝既味，反而更好食！😲
－
籠仔櫻花蝦海味蒸飯一開個籠，就聞到好香既櫻花蝦味。🤤
點呢個既話要小心啦，佢只夠兩個人食，大概3小碗既份量。
魷魚同櫻花蝦既味道入哂個飯裡面，好正，飯粒偏削，冇乜咬口。🤔
－
蒜蓉粉絲娃娃菜我地差不多食哂其他野之際，個菜終於上啦，時間岩岩好！
睇黎佢真係成碟慢慢蒸，隻碟超熱。🤣
乾蒜炸得好香，重點係唔太咸，吸哂啲味既粉絲撈埋菜黎食，味道恰到好處。
可惜，啲菜唔夠林，個芯仲係生生地，硬既。如果蒸耐啲就更好啦。😔
－
蜜汁脆芋絲呢個唔係甜品果頁，但藍妹覺得用黎做甜品就最好不過。
有睇開藍妹食評都知我鐘意食芋頭，同藍妹一樣係芋頭迷既人一定要試呢個脆芋絲‼
佢每條都好幼，炸到超脆，完全冇老油炸過既味，好新鮮。
蜜汁平均咁分佈係每一條上面，如果keep住食，其實都會好甜，但幾個人分既話應該岩岩好！🥰
－
呢餐一啲都唔平，但係論環境同性價比，都覺得值回票價。
每道菜都睇得出花過心思同功夫，雖然有改善既空間，但係整體藍妹依然幾推薦人黎一試。👍
Post
