地點：北角匯二期
菜式：日式食堂
餐牌：定食便當、丼、咖哩飯、拉麵、小吃、烏冬鍋物、燒物、炸物、一品料理、意粉沙律、飲品，都有套餐
叫左個$75午市自選拉麵套餐，拉麵8選1加小食12選1。
1
白豚拉麵
白豚拉麵 唔洗加錢。熱辣辣拉麵湯底果然係奶白色，味道帶香濃豬味，好好飲。拉麵幼身彈牙有蛋香，好味。
叉燒有三片，厚切淡淡肉，都好嫩。配有扁筍同黑木耳絲加添口感。面頭灑上蔥花調味。
燒多春魚
燒多春魚一客三條，配檸檬角。燒得皮脆肉嫩，魚春豐富。
另外加個輕盈套餐。
白豚拉麵（輕盈）配咖哩飯（小）$68 另加一
輕盈白豚拉麵就只係細少少，叉燒少一片，其他份量好似少好少。呢個餐可以試到兩樣野，都唔錯。
咖哩飯用碟上，大概半碗白飯配牛肉粒，薯仔粒同紅蘿蔔粒，咖哩汁豐富。
1
自己係主餐牌加個串燒。
燒雞軟骨 $38 另加一
燒雞軟骨一客三串，配有檸檬角。燒得好脆皮，唔會過鹹。
今餐拉麵的確唔錯。餐廳裝修不俗，座位舒適。三點會有下午茶餐添。
