湯加 (Closed)

今晚行下行下去咗太子搵食，見到有一間好有家的感覺，就係 見到煲燉湯。價錢又吸引，$158 "送暖二人套餐"，包括花膠魚肚燉雞湯或姬松茸鮮淮山竹絲雞湯， 鮮魚一條，小菜一款 ，配缽仔白飯兩碗 包送飲品兩杯我今晚就要咗個花膠魚肚燉雞湯好足料，差不多有半隻雞，花膠魚肚都好"淋"個湯，好濃味，感覺煲咗幾個鐘，好快已經一煲湯俾我哋兩個飲曬。如我哋揀咗煎封左口魚，配麵豉醬，有南瓜墊底，南瓜好''淋"配 汁好好味，魚又夠滑 又唔多骨。果醋豬軟骨炆到好''林''吸咗啲汁好好味，加新鮮菠蘿，豬軟骨又有骨膠原，配住個砵仔飯，好快食曬。等候時間唔會等好耐，湯和餸菜都好熱辣辣，每款大概等5至10分鐘送上