味道樂居酒屋 (元州街) (Closed)

星期六老公收半天，所以中午專登帶囝仔去接放工，係佢工司附近搵好嘢食！一睇OpenRice嘅介紹，喺荔枝角同長沙灣交界的味道樂居酒屋大受歡迎，呢間原條鰻魚飯好吃，一於去試下！ 正午12點餐廳剛剛開門，我同囝仔入去坐低等，餐廳環境氣氛都好有日本風格，最鍾意佢成套雞泡魚嘅餐具好靚！星期六有個特別嘅週末午餐牌。我哋叫咗一份原條炭燒鰻魚飯及一份壽司定食配烏冬，阿囝就揀咗個巨峰提子乳酸飲品！ 壽司定食上枱非常豪華，10件不同款式嘅壽司，我仔最鍾意食三文魚子壽司，我最like 佢個海膽壽司,一食就知非常之新鮮，一啲腥味都冇！老公就大讚果件牡丹蝦巨型又彈牙！終於到主角出場，原條炭燒鰻魚真係技驚四座，外型吸引分量十足！一食條鰻魚咁juicy 就知係正嘢，佢用炭燒所以嗰邊都有啲蕉蕉地，真係好味到從心裏讚出黎！講真兩樣都好好食，同老公即時約定下次再來試晚餐的串燒及和牛！