Video
Read full review
2016-09-10
215 views
好不容易又到happy friday, 一返工已經諗定要黎個三點三喺腦袋放空之際，聽到隔離有人講:唉如果有杯絲襪奶茶飲下就好喇。。。咁就搞到我成腦都係茶餐廳凍檸茶菠蘿油既味轉下轉下叮!一聲醒起之前聽過尖沙咀有間賣好"港式"cupcake既店終於到中午趁停左雨拿拿臨飛出去買公司行過去都唔使10分鐘就到好時中心~聽人講扶手電梯轉上兩層就到好vintage既門面，唔好理咁多，飛撲去蛋糕櫃::一杯杯好迷你既茶仔熱奶茶，咸檸7，菠蘿油。。。變曬cupcake仔而office多人既好處就係。。可以用豪氣掩飾我既選擇困難症::唔該每樣要一粒丫9秒9返到office等唔切3點3~相機食飽就我唔客氣喇?首先黎個醒胃咸檸七:散發住淡淡檸檬味既蛋糕，入面有少少咸檸粒，配埋好似灑左雪咁既海鹽喺檸檬忌廉，一啖入面有曬甜，酸，同咸味一秒入面味覺好大衝擊跟住要食返個菠蘿油喇::佢將菠蘿油應有既脆皮完美咁做到出黎，食落好似鬆餅咁，加埋舊軟林林牛油呢種睇同食唔同既感覺又新奇又矛盾呀~再試試熱奶茶~公認係最軟滑既質感，同埋保持住絲襪奶茶既濃郁茶味喺蛋糕係得意既~本人幾欣賞係好立克味因為係童年回憶，好立克最底係有最濃既好立
喺腦袋放空之際，聽到隔離有人講:唉如果有杯絲襪奶茶飲下就好喇。。。咁就搞到我成腦都係茶餐廳凍檸茶菠蘿油既味轉下轉下叮!一聲醒起之前聽過尖沙咀有間賣好"港式"cupcake既店
終於到中午趁停左雨拿拿臨飛出去買
公司行過去都唔使10分鐘就到好時中心~聽人講扶手電梯轉上兩層就到
好vintage既門面，唔好理咁多，飛撲去蛋糕櫃::一杯杯好迷你既茶仔熱奶茶，咸檸7，菠蘿油。。。變曬cupcake仔
而office多人既好處就係。。可以用豪氣掩飾我既選擇困難症::唔該每樣要一粒丫
9秒9返到office等唔切3點3~相機食飽就我唔客氣喇?
首先黎個醒胃咸檸七:散發住淡淡檸檬味既蛋糕，入面有少少咸檸粒，配埋好似灑左雪咁既海鹽喺檸檬忌廉，一啖入面有曬甜，酸，同咸味一秒入面味覺好大衝擊
跟住要食返個菠蘿油喇::佢將菠蘿油應有既脆皮完美咁做到出黎，食落好似鬆餅咁，加埋舊軟林林牛油呢種睇同食唔同既感覺又新奇又矛盾呀~
再試試熱奶茶~公認係最軟滑既質感，同埋保持住絲襪奶茶既濃郁茶味喺蛋糕係得意既~
本人幾欣賞係好立克味因為係童年回憶，好立克最底係有最濃既好立克粉~而呢個好立克味除左面頭灑左好多好多粉，同埋童年回憶好立克糖一大粒~個cream都係沙沙地，好似飲緊最好味既最後一啖好立克咁
仲有試埋略甜既奶醬多味同埋有原粒紅豆餡既紅豆冰味~呢個happy friday真係好happy
P.S.店員話原來仲有凍檸賓同凍檸茶味!!!!!!不過今日冇好衰架惟有下次再去撞下!!!
P.S.S.買完cupcake有得揀ben sir教既疊字形容詞自己玩
Post
