Video
Read full review
2013-07-31
24 views
麵麵麵麵麵麵麵麵麵請你食麵！粗麵､幼麵､撈麵､拉麵定係手打麵？通通都唔啱！今日K小姐請陳生食嘅係 -- 碰碰麵放工同陳生去咗位於洗衣街嘅碰碰麵撈麵專門店，之前間越南餐廳執咗，取而代之就係呢間碰碰麵專門店。客人唔算多，大約8成，一入去就有卡位坐啦。呢度嘅玩法就係食車仔麵，只不過食材唔係粗麵､幼麵而係蝦子生麵､烏冬､粉絲毫同米粉，配菜都係大同小異啦，感覺係車仔麵嘅健康升級版。 -- 開 飯 啦 -- -- 開 飯 啦 -- -- 開 飯 啦 --*海鮮湯煮蜆*我好鍾意食白蜆，所以點咗海鮮湯煮蜆。海鮮湯清清地，蜆輕微帶點苦味，可能係白蜆浸過酒而酒精未完全蒸發，最驚喜係海鮮湯煮蜆$28咁抵仲要有QQ粉絲鋪底。*碰碰麵*每碗碰碰麵撈上蜜糖豆､木耳､芽菜､郁郁吓嘅木魚片 & 豆卜，所有配菜撈埋一齊嘅感覺雖然9唔配8，但十分健康，好似一次過滿足哂香港人想攝取蛋白質､維他命嘅慾望啊。另外跟湯底以杯仔上，幾CUTIE喎。胡椒豬肚湯好香胡椒味，食撈麵覺得太咸可以浸吓湯，好似沾麵咁食法。碰碰麵1： 蝦子生麵麻辣撈 + 胡椒豬肚湯 + 手撕雞 & 魚皮餃陳生選擇蝦子生麵麻辣撈真係明智穏陣嘅
請你食麵！
粗麵､幼麵､撈麵､拉麵定係手打麵？
通通都唔啱！
今日K小姐請陳生食嘅係 -- 碰碰麵
放工同陳生去咗位於洗衣街嘅碰碰麵撈麵專門店，之前間越南餐廳執咗，取而代之就係呢間碰碰麵專門店。
客人唔算多，大約8成，一入去就有卡位坐啦。
呢度嘅玩法就係食車仔麵，只不過食材唔係粗麵､幼麵
而係蝦子生麵､烏冬､粉絲毫同米粉，配菜都係大同小異啦，
感覺係車仔麵嘅健康升級版。
-- 開 飯 啦 -- -- 開 飯 啦 -- -- 開 飯 啦 --
*海鮮湯煮蜆*
我好鍾意食白蜆，所以點咗海鮮湯煮蜆。海鮮湯清清地，蜆輕微帶點苦味，
可能係白蜆浸過酒而酒精未完全蒸發，
最驚喜係海鮮湯煮蜆$28咁抵仲要有QQ粉絲鋪底。
*碰碰麵*
每碗碰碰麵撈上蜜糖豆､木耳､芽菜､郁郁吓嘅木魚片 & 豆卜，所有配菜撈埋一齊嘅感覺雖然9唔配8，但十分健康，
好似一次過滿足哂香港人想攝取蛋白質､維他命嘅慾望啊。
另外跟湯底以杯仔上，幾CUTIE喎。
胡椒豬肚湯好香胡椒味，食撈麵覺得太咸可以浸吓湯，好似沾麵咁食法。
碰碰麵1： 蝦子生麵麻辣撈 + 胡椒豬肚湯 + 手撕雞 & 魚皮餃
陳生選擇蝦子生麵麻辣撈真係明智穏陣嘅選擇，蝦子麵真係好好味，好幼滑，撈埋麻辣醬好惹味，
不過我唔食得辣，食咗兩三啖就頂唔順，太辣。
魚皮餃浸喺湯底入邊，細細粒，一啖一粒幾易入口。
碰碰麵2： 讚岐烏冬秘制醬油撈 + 手撕雞 & 牛肋條
陳生鄙視我唔明白撈麵嘅精髓係蝦子生麵喎，
但我就係鍾意食烏冬，烏冬夠飽肚而且QQ彈牙，
不過所謂嘅「秘制」醬油撈就有點失色，冇乜特別，似普通醬油啫。
牛肋條有3~4條，冇肥肉，幾有牛肉味；手撕雞幾滑，帶麻油味。
總括而言，蝦子生麵係必食，最好味；其他就冇乜特別。而且兩個人埋單都係$108，抵食推介!
Post
