平日7點幾去到好彩唔洗等..唔係都可能5~10分鐘..8點幾可能仲耐啦我估..
睇我食評就知劣多過好..OK個D食評我近年都懶得去打..因為OK即係大家平時字面上對話常常都慣左對人冷淡應句
K LA
咁同打好多........無分別
唔打都罷..因工作關係朝朝試左附近區好多早餐..純計奶茶本身最出息就太好味道個間..呢間好似係同一集團..奶茶都係雪左比客..亦因近年得知..其實冰運送過程或到食肆冷藏過程都可能會暴露空氣裡面以致比菌承虛而入..我都覺近年成日飲凍飲都可能傷胃..所以佢唔用冰放入面反而仲岩我..而家都盡量戒冰了..講返奶茶..近年好中意周圍試唔同茶記奶茶..好似講求兩樣野..就係茶香奶滑..要恰到好處..但多數失敗D鋪就係一係奶味重左..一係茶味怪怪地..唔得平衡..所以相比起呢度就中規中舉..濃香茶味而不失奶味..佢仲有個茶走係練奶仔分開比你自己加..又係唔錯..會變左甜D奶味重D..其他普通茶記就茶走會好唔岩我..呢度就不相伯中..不過小體會:覺得佢凍奶茶同維X隻濃茶版大同小異(認同請LIKE下)
好~~~到個方包比較無乜特別..失色過快餐店..但唔緊要..個蛋先係主角..同太X一樣又係滑而濃香蛋味..食過維X就知我講梗乜..當然後者近年每況愈下..都無乜特登去個度食了..呢度早餐係沙爹牛個個我先岩食..亦都係因呢款所以會好過去太X..個度都無得揀呢種配答..只能揀雪菜..仲有佢D沙爹係堅沙爹..似足食串燒個種味..唔係一般茶記個種偏黑色的..幾破格又份量夠多..麵就都中上OK好食的..唔太淋..但奇怪係其他餐米轉麵要加錢..唔知麵轉米又洗唔洗加呢..
之後仲試過波羅包..同MK 金X差唔多...或更勝個邊..因為個邊又係自從多左旅客就感覺上開始失色過以前半粒星度..
最後仲有係晚飯都試過佢集扒飯..好耐之前唔記得細節..屬中上..最記得有D薑蓉送下唔錯的...
