朋友話佢屋企YOHO 附近呢間川菜好味
去到見到個門口感覺唔錯，因為係商場地下既角落，感覺旺中帶靜，傾計既好地方。
一入到去，職員安排左個門口位我地坐。
係咪感覺好高級呢
有餐有散叫，見周圍好多人嗌一大煲魚。
1
即刻點左，酸菜魚，朋友話都係呢度既招牌，魚肉大片滑滑，可選辣度，入邊好多酸菜配料，又有薯粉做主糧，所以朋友叫我可以試多d其實小菜，2個女仔食，就唔使再嗌澱粉質類。
前菜嗌左個海蜇，海蜇食得多，估唔到配埋蘿蔔絲呢個配搭係咁好味，爽脆可口。
1
呢碟肥腸係朋友話必點之食物，本黎一聽到肥腸，好肥呀，好似有d卻步，黎到見到好多辣椒，只能食小辣既我表示不了，但朋友大力推薦之下，一食停唔到口，肥腸炸到香脆，一咬油香流晒出黎，無異味又唔覺油膩，真係一碟都差d唔夠我地兩個人分，推介
1
呢個單骨雞翼，令我感覺呢間既炸物實在出色，脆身之餘，肉汁肉味都能保持到。實在係被埋沒既炸物店呀！
為左減低食煎炸野既罪惡感，呢碟菜，清清地，又飲到沙白既鮮甜味喎。
1
係個咁靚咁輕鬆既環境下享受完咁美味既一餐，雖然已經好飽，但都係忍唔住嗌碗糖水作個完美既句號。
最後值得一讚既係唔好以為坐門口無人理，呢度既職員會不停出黎加水，服務超好
總結黎講，出街食野都係食食物，食景同食個服務，以呢間川菜餐廳咁既裝修服務加價錢，性價比真係好高，下次會再黎食過。
