Tin Po Kitchen

因為我同朋友都想喺觀塘一帶約食飯，但大家都諗唔到食咩好。上網search搵到呢間，駱駝漆又近大廈，menu睇落吸引，就決定去呢間。

我叫咗牛油果軟殻蟹漢堡，其餘兩個朋友都叫咗唔同款嘅漢堡，另一個唔鍾意食漢堡嘅朋友就叫咗一個扒餐，然後我哋四個就有叫多一個雞翼。

我叫果個漢堡有落我最愛嘅蛋黃醬，加上牛油果襯住隻軟殼蟹，有炸物果種香口但同時又帶少少清新嘅感覺。我朋友個扒餐叫咗七成熟，紅肉但未致於切出血水。

成餐飯都唔算貴，如果唔另外叫雞翼，$100內都有得找，性價比頗高。