Read full review
2011-09-11
45 views
師傅都有好一段日子冇同好友食家"乜都放入窿"孖住咁去搵食, 最近好友食家"乜都放入窿"就約師傅去旺角間民聲食飯, 師傅當然冇問題, 就相約於上星期三晚上一同辦完正經事就齊齊去! 由於師傅唔知間食店嘅位置喺邊, 全程就跟住好友食家"乜都放入窿"!點知去到附近好友食家"乜都放入窿"先至話間食店唔係叫民聲, 而係叫民華, 喺好驚去錯嘅情況下決定再行去門口望清楚, 好友食家"乜都放入窿"話係呢一間, 加上好友食家"乜都放入窿"瞄到有卡位, 於是就一個箭步就入左去! 坐底師傅望下個餐牌, 發覺同 “澳牛”食啲野好似, 同好友食家"乜都放入窿"研究左一陣後, 就決定柯打兩個滋味常餐!滋味常餐係一個自由配搭套餐, A+B+C, 每款全揀一款, 於是好友食家"乜都放入窿"揀左即烘牛油多士, 火腿炒蛋同埋鮮茄牛肉通粉, 而餐飲就係凍奶茶; 而師傅就揀左即烘牛油多士, 餐肉炒蛋同埋鮮茄豬膶通粉, 餐飲就係熱檸茶! 等左一陣就有得食, 師傅第一時間就試下個鮮茄豬膶通粉, 通粉係冇坑冇紋, 合晒師傅胃口, 先試湯底, 聞下去覺得鮮茄唔香, 味道亦唔太濃唔太鮮, 除左顏色似鮮茄外其他都唔似, 未能營造鮮茄帶來嘅
點知去到附近好友食家"乜都放入窿"先至話間食店唔係叫民聲, 而係叫民華, 喺好驚去錯嘅情況下決定再行去門口望清楚, 好友食家"乜都放入窿"話係呢一間, 加上好友食家"乜都放入窿"瞄到有卡位, 於是就一個箭步就入左去! 坐底師傅望下個餐牌, 發覺同 “澳牛”食啲野好似, 同好友食家"乜都放入窿"研究左一陣後, 就決定柯打兩個滋味常餐!
滋味常餐係一個自由配搭套餐, A+B+C, 每款全揀一款, 於是好友食家"乜都放入窿"揀左即烘牛油多士, 火腿炒蛋同埋鮮茄牛肉通粉, 而餐飲就係凍奶茶; 而師傅就揀左即烘牛油多士, 餐肉炒蛋同埋鮮茄豬膶通粉, 餐飲就係熱檸茶!
等左一陣就有得食, 師傅第一時間就試下個鮮茄豬膶通粉, 通粉係冇坑冇紋, 合晒師傅胃口, 先試湯底, 聞下去覺得鮮茄唔香, 味道亦唔太濃唔太鮮, 除左顏色似鮮茄外其他都唔似, 未能營造鮮茄帶來嘅開胃感覺, 所以湯底一般; 主角豬膶份量太少, 放入口發覺豬膶一啲都唔香, 仲有少少韌, 普通! 餐肉炒蛋嘅餐肉就煎得好香好脆, 水準不俗; 至於炒蛋就炒得幾滑, 一啲都唔老, 整體都算不錯, 唯一可惜係冇左蛋嘅香味, 同“澳牛”相比係一皮啦; 而即烘牛油多士就烘得鬆脆, 包身軟熟, 都唔錯; 最後就係熱檸檬茶, 講真大熱天時要師傅飲熱野真係幾難, 但為左試真少少, 所以都冇辦法; 檸檬茶嘅茶底就真係失色, 毫無茶味, 唔香唔濃, 絕對唔掂!
至於好友食家"乜都放入窿"同師傅嘅選擇都差不多, 唯一係鮮茄牛肉通粉有唔同, 而鮮茄牛肉通粉牛肉師傅亦都試過, 發覺肉身都幾鬆, 可惜味道幾咸, 加上份量都好少, 有少少搵笨咁, 唔太抵食; 至於杯凍奶茶, 好友食家"乜都放入窿"就話唔錯, 當然師傅冇試到啦, 不過就算試師傅都唔識分別, 皆因師傅唔好奶茶!
總括黎講食物質素可以, 環境就光猛舒適, 服務有禮, 師傅有意無意亦會用“澳牛”來作比較, 感覺就係喺呢間食店食得似番個人, 唔使比人虐待, 呢一下已經要加分, 而價錢就相宜, 喺旺角三十蚊可以食到咁清淡同健康嘅食物真係唔多! 師傅覺得同好友食家"乜都放入窿"係有少少誤打誤撞之下黎左呢間食店, 雖然水準唔算太高, 不過笑臉可以一比, 而師傅亦肯定會再黎多次, 皆因好想試下佢個盅頭飯!
(P.S.:澳牛 = 澳洲牛奶公司)
Post
