🧀太陽芝士雞鍋 ($268)
呢個咁巨型嘅太陽鍋，可以等我一次過試晒四款味道嘅炸雞🤭分別係原味、芝士、甜辣同豆醬味😋最後都抵受唔住誘惑加咗$20轉黑松露醬🙈🙈其實芝士原味已經好夠味，不過加埋黑松露醬之後就多咗一份松露香，更加惹味🤤芝士醬一路用火加熱住，食到最後都仲係熱辣辣出曬煙🥰🥰
1
🍙炸魷魚配紫菜卷 ($68)
本來以為係炸魷魚配平時食嘅韓式紫菜卷😂點知原來係炸紫菜卷，真係未食過😆😆😆炸到外面酥脆，入面煙煙韌韌，有糯米嘅口感，又幾特別😋
🍳豬肉石鍋拌飯 ($88)
食韓國嘢又點會唔叫石頭鍋飯☺️被熱辣辣嘅石鍋烘得微焦嘅飯拌上惹味嘅韓式甜辣醬汁，食到停唔到口😙
🦐海鮮大醬湯 ($116)
海鮮湯有少少辣，鮮蝦同魷魚嘅數量都唔少，最欣賞入面加咗大量滑捋捋嘅豆腐，豆腐控嘅我當然第一時間𢳂晒嚟食🤪🤪
🍓草莓乳酪沙冰 ($42)
Pink pink嘅外表真係好吸引🥰🥰草莓乳酪酸酸甜甜，解渴又開胃，簡直係同炸雞最完美嘅配搭😍😍飲完又有胃口繼續食😛
🥭芒果生米酒($78)
食炸雞通常都配啤酒，今次試吓配芒果生米酒，甜甜地，酒味唔算太濃😋😋女仔都啱飲🥰
前菜嘅擺盤都好精美😻😻
