華記潮州滷水車仔麵

小弟同寶寶又出擊去尋找美食，呢間華記其實第二次去食，的確係食過翻尋味，食埋今次，真係要嚟開飯稱讚下呢間實而不華、大件夾抵食嘅車仔麵。

呢間好店，撞手神今日唔使排隊直入。坐低左用qr code落單，寶寶就食牛雜麵、小弟要豬雜，過癮係呢間店叫多腸、腩汁都唔做加錢，大食寶寶要多碟通菜、我就叫多碟鳳爪。

唔使幾分鐘，先嚟一碟鳳爪，一食、即刻畀like鳳爪唔係普通得個辣嘅泰式鳳爪，而係微微辣小小酸嘅開胃鳳爪，仲好細心地第一碟上，認真開胃，正正！

再嚟兩碗麵，大大碗，夠飽肚，真係真材實料，好有誠意，小弟碗豬雜，果然多腸，配上清湯唔會膩！

最吸引係寶寶牛雜果啲牛腸，粒粒都肥嘟嘟，入口即化，果種油脂嘅香味，食完令人有幸福嘅感覺。再食多碟生菜，解脂，滿足。

食咗咁多嘢，再叫多杯汽水，百六蚊有找，滿足一整天，超值！繼續做常客

小小酸、微微辣

$28

有生菜、通菜等可選擇

$20

1

牛腸真係好正

$45

豬雜麵

$55

埋單唔使百六蚊，正